ខេត្តកំពង់ធំ ៖ ព្រះសង្ឃវ័យ ២៥ឆ្នាំ ១អង្គ ត្រូវបានសមត្ថកិច្ចស្រុកសន្ទុករួម ជាមួយធម្មការគណៈកម្មការវត្ត ចាប់ផ្សឹក ដើម្បីឃាត់ខ្លួនបញ្ជូន ទៅកាន់ស្នងការដ្ឋានខេត្តកំពង់ ធំ បន្ទាប់ពីព្រះសង្ឃ១អង្គនេះ បានប្រើអំពើហឹង្សាកាប់ទៅលើ ព្រះសង្ឃវ័យចំណាស់១អង្គទៀត ចំនួន២ពូថៅបង្កអោយរងរបួស ធ្ងន់ ។
ហេតុការនេះបានកើតឡើង កាលពីល្ងាចថ្ងៃទី២០ ខែធ្នូ ឆ្នាំ ២០១៤ នៅវត្តទួលចាន់ ភូមិ គគីរជួរ ឃុំតាំងក្រសាំង ស្រុក សន្ទុក ខេត្តកំពង់ធំ ។
ប្រភពព័ត៌មានពីលោកតា អាចារ្យវត្តបានឱ្យដឹងថា នៅ ល្ងាចថ្ងៃកើតហេតុគេបានឃើញ ព្រះសង្ឃទាំងពីរអង្គខាងលើនេះ កំពុងតែអង្គុយមើលទូរទស្សន៏ នៅក្នុងកុដ្ឋិ ស្រាប់តែមួយសន្ទុះ ក្រោយមកក៏មានរឿងនេះកើត ឡើងព្រះសង្ឃដែលសមត្ថកិច្ច ឃាត់ខ្លួននោះបានសារភាពថា ខ្លួនពិតជាបានកាប់ព្រះសង្ឃមេ គណវត្តទួលចាន់នេះពិតមែន ពីព្រោះខឹងនិងព្រះសង្ឃមេគុណ វត្តខាងលើនេះប្រើអោយបោស សំអាតក្នុងទីធ្លាវត្តជាច្រើនដង ពេកហើយមិនចេះត្រូវចិត្តទេ ទើបសម្រេចចិត្តទាញពូថៅនៅ ក្បែនោះ កាប់ទៅលើព្រះកេស ព្រះសង្ឃរងគ្រោះចំនួន២ពូថៅ។
ប្រភពពីកន្លែងកើតហេតុ បានបន្តថាជម្លោះរវាងព្រះសង្ឃ ទាំង២អង្គខាងលើនេះទំនងជា រឿងច្រណែនគ្នាព្រោះថា ព្រះ សង្ឃដែលបង្កហេតុនោះមាន ស្រុកកំណើតនៅក្នុងភូមិឃុំកើត ហេតុចំពោះព្រះសង្ឃរងគ្រោះ ជាមេគណវត្តខាងលើនេះជា អ្នកមកពីស្រុកឆ្ងាយ ។
លោកវរៈសេនីយ៍ត្រី ពេជ្រ ថាល់ អធិការស្រុកសន្ទុកបានឱ្យ ដឹងថាព្រះសង្ឃរងគ្រោះឈ្មោះ ឡាយ មិ ព្រះជន្មាយុ ៦៣ឆ្នាំជា ព្រះចៅអធិកាវត្តត្រូវបានដឹកទៅ សង្គ្រោះនៅមន្ទីរខេត្តកំពង់ធំតែ គ្រូពេទ្យកំពង់ធំបានប្រាប់ថា អ្នក រងគ្រោះមានអាការៈធ្ងន់ត្រូវ បញ្ជូនទៅមន្ទីរពេទ្យភ្នំពេញ ចំណែកព្រះសង្ឃដៃដល់ឈ្មោះ អោក សុផល អាយុ ២៥ឆ្នាំរស់ នៅក្បែវត្តកន្លែងកើតហេតុ ហើយធ្លាប់មានរោគសសៃប្រសាទប្រចាំកាយ ទោះជាយ៉ាង នេះក្តីសមត្ថកិច្ចដដែលបានបន្តថា ព្រះសង្ឃដៃដល់ខាងលើនេះត្រូវ បានបញ្ជូនទៅកាន់ស្នងការដ្ឋាន នគរបាលខេត្តកំពង់ធំនៅល្ងាច ថ្ងៃទី២១ ខែធ្នូ ឆ្នាំ២០១៤នេះ ដើម្បីចាត់ការបន្តទៅតាមផ្លូវ ច្បាប់ ៕ ដោយ ៖ សុផាត
