ខេត្តបាត់ដំបង ៖ សាកសពបុរសម្នាកត្រូវបានគេប្រទះឃើញដេកស្លាប់ផ្កាប់មុខមានស្នាមដុតខ្លោចនឹងដៃជាប់ខ្នោះស្លាបសេកមកក្រោយផង។ ហេតុការណ៍ប្រទះឃើញសាកសពខាងលើនេះបានកើតឡើងនៅវេលាម៉ោង៨និង០០នាទីព្រឹក ថ្ងៃទី១៧ ខែតុលា ឆ្នាំ២០១៩ នៅក្បែរក្បាលស្ពានដងទង់ ស្ថិតនៅក្នុងភូមិដងទង់ ខេត្តបាត់ដំបងដែលគេសង្ស័យថាជាករណីអំពើឃាតកម្ម។
ប្រភពចេញពីកន្លែងកើតហេតុបានអោយដឹងថា សាកសពនោះ ត្រូវគេដាក់ខ្នោះជាប់ដៃ ក្រពាត់ស្លាបសេកមកក្រោយ និងដេកផ្កាប់មុខ និងខ្លួនប្រាណមានស្នាមភ្លើងឆេះខ្លោចផងដែរ ។ប្រភពដដែលបានបន្តថា សាកសពបុរសខាងលើត្រូវបានគេស្គាល់ថាជាជនជាតិចិន ដែលគេដាក់ការសង្ស័យថាវាអាចកើតចេញពីរឿងគុំនុំឬពាលស៊ីពាល តែប៉ុណ្ណោះ ព្រោះសាកសពត្រូវបានគេដុតព្រមទាំងដៃជាប់ខ្នោះស្លាបសេកមកក្រោយ មិនតែប៉ុណ្ណោះ មានបន្សល់ទុកចបប៉ែលចូកដីមួយនៅក្បែរសព ដែលគេសង្ស័យថា ជាវត្ថុតាងដែលក្រុមជនដៃដល់យកសម្រាប់វៃ សម្លាប់ជនរងគ្រោះផងដែរ។
ជុំវិញករណីខាងលើនេះផងដែរ សមត្ថកិច្ចកំពុងត្រូតពិនិត្យសាកសព និងទីតាំងកើតហេតុនិងធ្វើការស្រាវជ្រាវស៊ើបបន្តនៅតាមបណ្តាក្រុមហ៊ុនជនជាតិចិនដែលស្ថិតនៅក្បែរកន្លែងកើតហេតុនេះ ៕
