ហេតុការណ៍គ្រោះថ្នាក់ចរាចរណ៍ដ៏រន្ធត់នេះកើតឡើងនៅទី១៦ ខែតុលា ឆ្នាំ២០១៩ វេលាម៉ោង២១ៈ០០នាទី លើផ្លូវជាតិលេខ៧១ ចន្លោះគីឡូម៉ែត្រ៥៧-៥៨ ចំណុចភូមិត្រស់ ឃុំបល្ល័ង្ក ស្រុកបារាយណ៏ ខេត្តកំពង់ធំ មានករណីគ្រោះថ្នាក់ចរាចរណ៍រថយន្ត កិនអ្នកបើកបរម៉ូតូទិសដៅស្របគ្នា បណ្តាលអោយស្លាប់មនុស្ស០១នាក់ ប្រុស ខូចខាតម៉ូតូ០១គ្រឿង ។ ម៉ូតូម៉ាកហុងដាឌ្រីមC125 ពណ៌ខ្មៅ ផ្លាកលេខកំពង់ធំ1J-0576 បើកបរដោយឈ្មោះ ភិន ភក្ដី ភេទប្រុស អាយុ ៤៥ឆ្នាំ រស់នៅភូមិបារាយណ៏ជាន់ដែក ឃុំបល្ល័ង្ក ស្រុកបារាយណ៏ ខេត្តកំពង់ធំ មុខរបរបើកបររថយន្តដឹកប្រេងក្រុមហ៊ុនតេលា ស្លាប់នៅកន្លែងកើតហេតុ (មិនពាក់មួកសុវត្ថិភាព)។
រថយន្តនិងអ្នកបើកបរសមត្ថកិច្ចជំនាញកំពុងស្រាវជ្រាវ (បើករថយន្តគេចចេញពីកន្លែងកើតហេតុ)។ក្រោយកើតហេតុ សមត្ថកិច្ចបានកំណត់ហេតុប្រមូលវត្ថុតាងម៉ូតូយករក្សាទុកនៅអធិការដ្ឋាននគរបាលស្រុកបារាយណ៏ រីឯសពប្រគល់ជូនក្រុមគ្រួសារ។
មូលហេតុបឋមបង្កឡើងដោយអ្នកបើកបរម៉ូតូ បើកបុកឆ្កែរត់ឆ្លងកាត់ផ្លូវ បណ្ដាលអោយដួលម៉ូតូ ហើយត្រូវបានរថយន្តបើកបរស្របទឹសពីក្រោយកិន បណ្ដាលអោយស្លាប់ភ្លាមៗនៅកន្លែងកើតហេតុ៕
