ខេត្តកំពង់ធំ ៖ បុរស់ម្នាក់តែងតែផឹកស្រាសរជាប្រចាំបានទៅសុំមាន់ពីបងប្អូនញាត្តិជិតខាងចំនួន១ក្បាលដើម្បីយកទៅក្លែមស្រា តែទៅលង់ទឹកប្រឡាយ៣០កញ្ញាស្លាប់យ៉ាងអាណោចអធ័មទៅវិញ។ ហេតុការណ៍នេះគេបានប្រទះឃើញនៅថ្ងៃទី១៦ តុលា ២០១៩ វេលាម៉ោង១៤,៤៦នាទី មានករណីមនុស្សលង់ទឹកស្លាប់ នៅក្នុងប្រឡាយ៣០កញ្ញា ស្ថិតនៅភូមិកប់ថ្លុក ឃុំដំរីស្លាប់ ស្រុកកំពង់ស្វាយ។
តាមសមត្ថកិច្ចប្រាប់ថា សាកសពឈ្មោះ ប្រិញ ណន ភេទប្រុស អាយុ៣៦ឆ្នាំ មុខរបកសិករ រស់នៅក្នុងភូមិឃុំកើតហេតុខាងលើ ។
បើតាមការបំភ្លឺរបស់ម្តាយ ឈ្មោះ ស៑ាត ហួយ អាយុ៦២ឆ្នាំ មានទីលំនៅ ភូមិ ឃុំ កើតហេតុខាងលើ បាននិយាយថា នៅវេលាម៉ោងប្រហែល ១៨,១០ នាទី ថ្ងៃទី ១៥ តុលា ២០១៩ ជន់ រងគ្រោះបានសុំមាន់ពីគាត់មួយក្បាលយកទៅធ្វើម្ហូបក្លែមស្រានៅផ្ទះឈ្មោះ ស៑ាន វិសាល ភេទប្រុស នៅភូមិឃុំជាមួយគ្នា មិនឃើញមកផ្ទះវិញទេ រហូតដល់ម៉ោងដឹងកើតហេតុខាងលើឃើញកូនគាត់ស្លាប់អណ្តែតទឹកបាត់ទៅហើយ ។
ក្រោយទទួលបានដំណឹងភ្លាម កម្លាំងប៉ុស្តិ៍ រដ្ឋអំណាចមូលដ្ឋាន និងពេទ្យបានចុះពិនិត្យសពពុំមានឃើញស្លាកស្នាមអ្វីដែលពាក់ព័ន្ធនឹងករណីឃាតកម្មឡើយ ។ការសន្និដ្ឋានរបស់សមត្ថកិច្ច សពបានស្លាប់ដោយសារលង់ទឹកពិតប្រាកដមែន ។សម្ថកិច្ចជំនាញបានធ្វើកំណត់ហេតុប្រគល់សាកសពឲ្យក្រុមគ្រួសារធ្វើបុណ្យតាមប្រពៃណី ៕
