ខេត្តសៀមរាប ៖ សកម្មភាពដឹកជញ្ជួនឈើ ប្រភេទលេខ២ កំពុងតែមាន ហាងឆេងឡើងវិញដោយឈ្មួញ ប្រមូលទិញបានដឹកជញ្ជួនគគ្រឹក គគ្រេងទាំងថ្ងៃទាំងយប់ពុំមាន អាជ្ញាធរជំនាញមួយណាយក ភ្នែកមើលនោះឡើយ ដោយប្រើ ប្រាស់រថយន្តធុនតូច និងរ៉ឺម៉ក ដើម្បីជាមធ្យោបាយក្នុងការដឹក យកទៅចែកចាយនៅតាមដេប៉ូ ស្តុកនៅជន្លង់ក្រុងវប្បធម៌ប្រវត្តិសាស្ត្រអង្គរ-សៀមរាប។
ចំពោះការដឹកជញ្ជួនឈើ ខាងលើនេះបើពិនិត្យមើលទៅ ជាលក្ខណៈតូចតាចរបស់ឈ្មួញ រកស៊ីឈើ ក៏ប៉ុន្តែចំពោះការ បំផ្លាញធនធានធម្មជាតិព្រៃឈើ វិញមានទ្រង់ទ្រាយធំ ។
ប្រភពព័ត៌មានបានឱ្យដឹងថា សកម្មភាពដឹកឈើប្រភេទលេខ ២កំពុងតែកក្រើកឡើងវិញ ហើយមានហាងឆេងទៀតផង ដោយដឹកចេញពីស្រយ៉ង់កោះ កេរ្តិ៍នៃខេត្តព្រះវិហារព្រំប្រទល់ ជាប់ជាមួយខេត្តសៀមរាបនៅ ក្នុងដែនអភិរក្សបរិស្ថានដែលជា តំបន់ឈរជើងសុទ្ធសឹងជាសមត្ថ កិច្ច ។
ជាក់ស្តែង នៅចំណុចផ្លូវ សម្តេច ជាស៊ីម ឆ្ពោះទៅ ជន្លង់ ចូលក្រុងសៀមរាប មាន រ៉ឺម៉ក មួយគ្រឿងដឹកឈើប្រភេទលេខ ២ពេញជាច្រើនសន្លឹកវាជា ប្រភេទឈើល្អៗក្នុងនោះមាន មនុស្ស២នាក់រួមទាំងអ្នកបើក បរ រ៉ឺម៉កផងដែរ ។
តាមការបញ្ជាក់ពីអ្នកបើក បររឺម៉កបានឱ្យដឹងថាឈើទាំង នេះពុំមែនជារបស់គាត់នោះទេ ម្ចាស់គេឈ្មោះ ណាក់ ចំពោះ ការដឹកជញ្ជួនខាងលើម្ចាស់ឈើ បានរត់ការបង់ប្រាក់អោយមន្ត្រី ជំនាញតាមផ្លូវគ្រប់ស្ថាប័នពាក់ ព័ន្ធទាំងអស់ ។
ឈ្មួញរកស៊ីឈើឈ្មោះ ណាក់ បានបញ្ជាក់ថាវាជាឈើ របស់គាត់ពិតមែនចំពោះការដឹក ជញ្ជួនរបស់គាត់មានរថយន្ត សាំយ៉ុង និង រឺម៉ក ទៀតផង ។
លោក ណាក់ បានបញ្ជាក់ ថា ឈើទាំងនោះយកទៅស្តុក ទុកនៅដេប៉ូជន្លង់និងក្រវ៉ាត់ក្រុង សៀមរាប ។ ពាក់ព័ន្ធករណី ខាងលើ អ្នកព័ត៌មានបានសុំបំភ្លឺ នាយសង្កាត់រដ្ឋបាលព្រៃឈើបាគង ក្រុងសៀមរាប បានឱ្យដឹង ថា ចំពោះការបង្ក្រាបមិនមែន តួនាទីរបស់លោកនោះឡើយ ហើយលោកបានបញ្ជាក់ថាការ បង្ក្រាបបទល្មើសព្រៃឈើជា តួនាទីរបស់លោកនាយផ្នែក បង្ក្រាបព្រៃឈើសៀមរាប ។
ភ្លាមនោះអ្នកព័ត៌មានសុំ ការបំភ្លឺរបស់លោកនាយផ្នែករដ្ឋ បាលព្រៃឈើសៀមរាបបានឱ្យ ដឹងថា ចំពោះការដឹកជញ្ជួនឈើ របស់ឈ្មួញ លោក និងធ្វើការ បង្ក្រាបបើនសិនជាឈើទាំង នោះខុសច្បាប់ ។
ប្រភពព័ត៌មានបានបញ្ជាក់ ថា ចំពោះការដឹកជញ្ជួនឈើ ស្ទើរខ្ទេចផ្លូវនោះពុំមានអជ្ញាធរ ជំនាញមួយណាចេញមុខបង្ក្រាប ម្តងណាឡើយដោយឈ្មួញដឹក ឈើទាំងនោះយកប្រាក់បិទមាត់ សមត្ថកិច្ចជំនាញអស់ហើយ មើលទៅ បានជាលោកជំនាញ រដ្ឋបាលប្រៃឈើមិនធ្វើការបង្ក្រាបនោះ ៕
ដោយ ៖ សាត ស៊ីន
