រាជធានីភ្នំពេញ ៖ កាលពីវេលាម៉ោង៨និង១០នាទីយប់ថ្ងៃអាទិត្យ ទី១៣ ខែតុលា ឆ្នាំ២០១៩ ស្ថិតតាមបណ្ដោយផ្លូវ៦៥ ក្នុងការដ្ឋានមួយកន្លែងកំពុងសាងសង់ចំណុចខាងកើតសណ្ឋាគាហូលីដេ ក្នុងសង្កាត់ស្រះចក ខណ្ឌដូនពេញ
រាជធានីភ្នំពេញ មានកម្មករសំណង៣នាក់បានស្លាប់កប់ដីក្នុងការដ្ឋានខុនដូរមួយកន្លែងកំពុងសាងសង់ គួរឲ្យរន្ធត់នៅក្នុងករណីបាក់អន្ទារ កំពស់១៦ជាន់ ខណៈពួកគាត់ទាំងបីនាក់កំពុងតំឡើងជណ្ដើរយន្ត។
សពរងគ្រោះទី១៖មានឈ្មោះសុខ សម្បត្តិ ភេទប្រុស អាយុ២១ឆ្នាំ មុខរបជាងជណ្ដើរយន្ត ស្នាក់ក្នុងការដ្ឋានខាងលើមានស្រុកកំណើត ភូមិតាធាវ ឃុំជ័យ ស្រុកកំពង់ស្វាយ ខេត្តកំពង់ធំ។ សពរងគ្រោះទី២៖មានឈ្មោះយ៉ែម ទីន ភេទប្រុស អាយុ៣៥ឆ្នាំ មុខរបជាងតំឡើងជណ្ដើរយន្ត ស្នាក់ក្នុងការដ្ឋានមានស្រុកកំណើត ភូមិទន្លេរស ឃុំត្រពាំងព្រះស្រុកព្រៃឈរ ខេត្តកំពង់ចាម សពរងគ្រោះទី៣៖មានឈ្មោះធីម ធីរ៉ង ភេទប្រុសអាយុ៣១ឆ្នាំ មុខរបជាងតំឡើងជណ្ដើរយន្ត មានស្រុកកំណើត ភូមិត្រពាងបី ឃុំបារាយណ៏ស្រុកព្រៃឈរ ខេត្តកំពង់ចាម។
តាមសំដីកម្មករម្នាក់បាននិយាយប្រាប់អ្នកសារព័ត៌មានថា ជនរងគ្រោះទាំងបីនាក់គីពួកគាត់ជាជាងតំឡើងជណ្ដើរយន្ត តែបានបាត់ពួកគាត់មិនឃើញតាំងពីយប់ថ្ងៃទី១២មកម្លេះ ហើយក៏មិនដឹងថា បាក់ អន្ទារដែលពួកគាត់តំឡើងជណ្ដើរ យន្តនៅជាន់ទី១៦ ដែលអាគារកំពង់សាងសង់កំពស់២១ជាន់ តាំងពីម៉ោងប៉ុន្មាននោះទេ ទើបតែមានការភ្ញាក់ផ្អើលម៉ោង៨និង១០នាទីយប់ថ្ងៃអាទិត្យ ទី១៣ ខែតុលា ឆ្នាំ២០១៩ ដោយពួកគាត់បានគាស់សង្ក័សីដែលបាំងជណ្ដើរយន្ត ស្រាប់តែឃើញជើងបុរសម្នាក់ឡើងលើក្បាលកប់ទៅនិងដីលិចបាត់ រួចក៏រាយការណ៏ជូនសមត្ថកិច្ចមូលដ្ឋានចុះមកពិនិត្យបឋមរួចធ្វើកំណត់ហេតុរង់ចាំព្រឹកឡើងសមត្ថកិច្ចជំនាញមកកាយយកសពឡើងលើ និងធ្វើកោសល្យវិច័យ និងប្រគល់សពឲ្យក្រុមគ្រួសារយកសពយកទៅធ្វើបុណ្យតាមប្រពៃណី៕