ខេត្តបន្ទាយមានជ័យ ៖ នៅរសៀលថ្ងៃទី ២៥ ខែធ្នូ ឆ្នាំ២០១៤ប្រជាពលរដ្ឋភូមិថ្នល់ បត់ឃុំភ្នំតូច ស្រុកមង្គលបូរី ខេត្ត បន្ទាយមានជ័យថារោងម៉ាស៊ីន កិនស្រូវឈ្មោះ ហ្វាន វុន បង្ហុយ អង្កាមប៉ះពាល់ដល់ការរស់នៅ និងប្រកបអាជីវកម្មប្រចាំថ្ងៃ របស់ពួកគាត់ ។
ពួកគាត់លើកឡើងទៀតថា បញ្ហាកង្វល់ទាំងនេះពួកគាត់ បានស្នើសុំទៅអាជ្ញាធរដោះ ស្រាយធ្វើយ៉ាងណាឱ្យម្ចាស់រោង ម៉ាស៊ីនទប់ស្កាត់តាមរបៀបណា ក៏ដោយកុំឱ្យមានអង្កាមហុយ មកលើការរស់នៅប្រជាពលរដ្ឋ ប៉ុន្តែសំណើរនោះមិនត្រូវអាជ្ញាធរចុះមកដោះស្រាយនិងណែនាំ ដល់ម្ចាស់រោងម៉ាស៊ីននោះ ឡើយ ។
ប្រជាពលរដ្ឋរស់នៅបានរង គ្រោះជាច្រើនឆ្នាំមកហើយនៅ ពេលអាជ្ញាធរគេមិនដោះស្រាយ ឱ្យតើឱ្យពួកគាត់រស់នៅសង្ឃឹម អ្នកណាទៀត ។
ប្រជាពលរដ្ឋបានលើកឡើង ទៀតថា អាជីវកម្មកិនស្រូវ បង្ហុយអង្កាមបស់រោងម៉ាស៊ីន ហ្វាន់ វុន ធ្វើឡើងទាំងថ្ងៃទាំង យប់អង្កាម មិនត្រឹមហើរសាយ ភាយបង្កឱ្យប៉ះពាល់ដល់មនុស្ស ចាស់ប៉ុណ្ណោះទេ ថែមទាំងប៉ះ ពាល់ដល់កូនក្មេងតូចៗទៀតផង។
ជាងនេះទៅទៀតមាន ប្រជាពលរដ្ឋមួយចំនួនទ្រាំរស់ នៅពុំបានអ្នកខ្លះក៏លក់ដីឱ្យម្ចាស់ រោងម៉ាស៊ីន និងប្រជាពលរដ្ឋ មួយចំនួនទៀតកំពុងតែត្រៀម បិទទ្វារផ្ទះរត់ចាកចេញទៅ កន្លែងផ្សេងទៀត ។
ជុំវិញបញ្ហានេះ លោក ឡុង ពុន អភិបាលស្រុកមង្គលបូរីបាន ប្រាប់ឱ្យដឹងថា បញ្ហាកង្វល់របស់ ប្រជាពលរដ្ឋរងគ្រោះពីអង្កាម កិនស្រូវរបស់រោងម៉ាស៊ីមហ្វាន វុន គឺលោកបានណែនាំឱ្យម្ចាស់ ម៉ាស៊ីនស្រូវធ្វើការសម្រួលដោះ ស្រាវបញ្ហាបច្ចេកទេសរោង ម៉ាស៊ីនធ្វើយ៉ាងណាកុំឱ្យមាន អង្កាមបង្កឱ្យប៉ះពាល់ដល់ការ រស់នៅរបស់ប្រជាពលរដ្ឋរួច ហើយ ។
បញ្ហានេះ លោកអភិបាល ខេត្តក៏លើកឡើងក្នុងពិធីប្រកាស អភិបាលស្រុកឱ្យលោកមេឃុំ ជា សាង ដោះស្រាយជូនប្រជាពល រដ្ឋជាប្រញាប់ផងដែរ ។ កិច្ចការ ងារនេះលោកនិងចុះតាមដាន បន្ថែមទៀតមិនប្រងើយកន្តើយ នោះឡើយ ។
ជាចុងក្រោយប្រជាពលរដ្ឋ បានស្នើសុំទៅអាជ្ញាធរមាន សមត្ថកិច្ចជួយអន្តរាគមន៍ដោះ ស្រាយធ្វើយ៉ាងណាចំពោះម្ចាស់ រោងម៉ាស៊ីនទប់ស្កាត់តាមរបៀប ណាក៏ដោយកុំឱ្យមានអង្កាម ហ៊ុយមកលើការរស់នៅរបស់ ពួកគាត់ ៕
ដោយៈ ចិន្តា
