ខេត្តបាត់ដំបង ៖ ជាង ២សប្តាហ៍កន្លងមក ហើយបនស្ត្រីបេស្យាចារវៀត ណាមក្នុងភូមិដូង ឃុំបឹងរាំង ស្រុកកំរៀង ដែល លោក ផាន់ ចាន់ណារ៉ា អធិការស្រុកកំរៀង សន្យាចុះបង្ក្រាប កាលពីថ្ងៃទី ១៧ ខែធ្នូ ឆ្នាំ២០១៤ តែរហូត មកដល់ថ្ងៃនេះមិនទាន់បានចុះ បង្ក្រាបនៅឡើយ ។
ប្រភពប្រជាពលរដ្ឋបានឱ្យ ដឹងថា ស្ត្រីវៀតណាមរកស៊ីផ្លូវ ភេទខុសច្បាប់ពីមុនមានគ្នាម្នាក់ ទៅ២នាក់ប៉ុណ្ណោះ ក្នុងភូមិដូង ឃុំបឹងរាំង ស្រុកកំរៀងពេល លោក ផាន់ ចាន់ណារ៉ា អធិការ ឡើងកាន់តំណែងថ្មី ស្រាប់តែ មានកំណើនស្រីវៀតណាមរកស៊ី ភ្លូវភេទចូលមកកាន់តែច្រើននាក់។
ដោយហេតុនេះប្រជាពលរដ្ឋ មានការភិតភ័យចំពោះការបាត់ កិត្តិយសកូនខ្មែរដែលរស់នៅជិត នោះហើយខ្លាចប្តីឬកូនប្រុសឆ្លង រោគផ្សេងៗទៀតផង ។ ដូច្នេះ សូមអជ្ញាធរមានសមត្ថកិច្ចជួយ អន្តរាគមន៍លុបបំបាត់ការរកស៊ីផ្លូវ ភេទនៅក្នុងភូមិយើងខ្ញុំផង ។
ប្រជាពលរដ្ឋបញ្ជាក់ថា កន្លែងបនស្រីខូចវៀតណាមខាង លើនេះបានអះអាងថាបង់ប្រាក់ ជូនលោក ផាន់ ចាន់ណារ៉ា អធិការស្រុកកំរៀង ក្នុង១ខែ ១ លានរៀលទើបមិនមកបង្ក្រាប។
លោក ផាន់ ចាន់ណារ៉ា អធិការស្រុកបានប្រាប់អ្នកយក ព័ត៌មានថាមិនបានទទួលប្រាក់ ប្រចាំខែពីម្ចាស់បនស្រីខូចនោះ ទេ ហើយលោកនឹងចុះបង្ក្រាប ការសន្យាតាំងពីថ្ងៃទី១៧ ខែធ្នូ ឆ្នាំ២០១៤ រហូតមកដល់ចុងខែ ធ្នូមិនទាន់បង្ក្រាបឡើយ ។ ហើយ ប្រជាពលរដ្ឋកំពុងរង់ចាំមើល ស្នាដៃលោកអធិការថ្មីចុះបង្ក្រាប បនស្រីពេស្យាខាងលើនៅពេល ណាដោយពួកគាត់ រំពឹងថានឹង ចុះបង្ក្រាបក្នុងពេលឆាប់ៗនេះកុំ សន្យាខ្យល់នាំឱ្យរាស្ត្របាត់បង់ ជំនឿលើសមត្ថកិច្ច ៕
ដោយ ៖ ឆាន សុខន
