ខេត្តកំពង់ឆ្នាំង ៖ តាមសេចក្តីរាយការណ៍ពី ប្រជានេសាទនៅស្រុកជលគីរី ខេត្តកំពង់ឆ្នាំងបានឱ្យដឹងថានៅ តាមដងទន្លេនៅឃុំពាមឆ្កោក ស្រុកជលគីរី មានសកម្មភាពទូក នេសាទអូសអួនក្រឡាញឹកប្រើ ដោយម៉ាស៊ីនទំនើបៗយ៉ាងគគ្រឹក គគ្រេង កំពុងតែបំផ្លិចបំផ្លាញ មច្ឆជាតិយ៉ាងធ្ងន់ធ្ងរ ហើយប្រជា ពលរដ្ឋបានរិះគន់ថា ដោយសារ មានការធូររលុងពីមន្ត្រីជំនាញ ពាក់ព័ន្ធ ជាពិសេសមន្ត្រីជលផល ទើបបណ្តែតបណ្តោយឱ្យមាន ការអូសអួនដោយប្រើឧបករណ៍ ទំនើបយ៉ាងអនាធិបតេយ្យអាច សមត្ថកិច្ចជំនាញទាំងនោះ ត្រូវ បានទទួលការសម្របសម្រួលពី ក្រុមនេសាទល្មើសច្បាប់ទើប បានជាមិនអើពើបង្ក្រាបនោះ ឡើយ ។
សកម្មភាពអូសអួនដោយ ប្រើឧបករណ៍ទំនើប ត្រូវបានគេ រាយការណ៍មកថា ចាប់ផ្តើម លួចធ្វើសកម្មភាពចាប់តាំងពី ម៉ោងបួនល្ងាច រហូតដល់ម៉ោង បួនភ្លឺ ទើបគេបញ្ឈប់សកម្មភាព នេសាទល្មើសច្បាប់របស់ពួកគេ ហើយទទួលបានភាពសុខសាន្ត និងរលូនជារៀងរហូត ដោយពុំ មានសមត្ថកិច្ចណាចុះមករំខាន លោកម្ចាស់អូសអួនទាំងនោះ ឡើយ ។
ពាក់ព័ន្ធនឹងបទល្មើសនេសាទខាងលើអ្នកយកព័ត៌មាន យើងនៅថ្ងៃទី១២ ខែធ្នូ ឆ្នាំ២០ ១៤ បានចុះទៅយកព័ត៌មាន នៅ តាមដងទន្លេពាមឆ្កោក ស្រុក ជលគីរីក៏ប្រទះឃើញសកម្មភាព អួសអួនក្រឡាញឹកមានទូកពីរ បំពាក់ដោយម៉ាស៊ីន អមសង ខាងកំពុងអូសអួនតាមដងទន្លេ យ៉ាងរំភើយដោយគេឃើញពួក កម្មករលើទូកមានពាក់កែវចង្កៀង បំភ្លឺនៅលើក្បាលសម្រាប់ការ អូសអួននៅពេលយប់ ។
តាមប្រជានេសាទបានឱ្យ ដឹងថា ថៅកែទួកនេសាទខាង លើដែលល្បីឈ្មោះប្រព្រឹត្តបទ ល្មើសនេសាទ ហើយកជាមេ ខ្លោងធំមានឈ្មោះ ចាំង យ៉ាង ឡាង ជនជាតិវៀតណាម និង ឈ្មោះ ស៊ីម ជនជាតិខ្មែរ បានរួម ដៃគ្នាប្រព្រឹត្តបទល្មើសនេសាទ នៅត្រង់ចំណុចព្រែកសេះ តាម ដងទន្លេក្បាលកោះពាមឆ្កោក រហូតដល់ក្បាលកោះប្ញស្សីតាកួច និងក្បាលកោះច្រឡៃ ឃុំពាម ឆ្កោក ស្រុកជលគីរី ខេត្តកំពង់ ឆ្នាំង ។
ក្រុមមេខ្លោងនេសាទល្មើស ច្បាប់ខាងលើដោយមានការ ជួយសម្រួលពីសមត្ថកិច្ចទើបពួក គេសម្រុកអូសពុំខ្លាចញញើតអ្វី ឡើយសូម្បីតែកៀដាច់មងសន្ទូច របស់ប្រជានេសាទតាមលក្ខណៈ គ្រួសារ ក៏ពួកគេមិនមានសំណង និងធ្វើមិនដឹងមិនឮ ព្រោះអាង ខ្នងបង្អែកចំណែកប្រជានេសាទ ក្រីក្របានត្រឹមតែម៉ាត្អូញត្អែរ ប៉ុណ្ណោះ ។
មិនត្រឹមតែប៉ុណ្ណោះ ប្រជា នេសាទក្រីក្រត្អូញត្អែរថាលោក អភិបាលស្រុកជលគីរី និងលោក សុង សារឿន នាយសង្កាត់ជល ផលស្រុកជលគីរី មិនព្រមធ្វើ សកម្មភាពបង្ក្រាបបទល្មើស នេសាទបណ្តែតបណ្តោយឱ្យពួក ឈ្មួញប្រព្រឹត្តបទល្មើសនេសាទ ប៉ះពាល់ដល់ធនធានមច្ឆជាតិប៉ះ ពាល់ដល់ប្រជានេសាទតូចតាច ដោយពួកឈ្មួញមិនខ្លាចពីច្បាប់ រដ្ឋ ដោយសារ តែអាងមានខ្នង បង្អែកជួយសម្រួលឱ្យពួកគេប្រព្រឹត្តបានយ៉ាងរលូន ។
ប្រជានេសាទក៏បានសំណូម ពរដល់លោក ឈួរ ចាន់ឌឿន អភិបាលខេត្តកំពង់ឆ្នាំង ជួយ មើលសកម្មភាពនេសាទល្មើស ច្បាប់នៅតំបន់ឃុំពាមឆ្កោកផង ព្រោះថាពួកឈ្មួញកំពុងតែមាន សកម្មភាពយ៉ាងអនាធិបតេយ្យ ចំណែកប្រជានេសាទក្រីក្រពុំ អាចនេសាទជាលក្ខណៈគ្រួសារបានឡើយ ។
មួយវិញទៀត លោក ណៅ ធួក ប្រធានរដ្ឋបាលជលផលជួយ ពិនិត្យនិងអង្កេតទៅលើមន្ត្រី ក្រោមឱវាទ នៅខេត្តកំពង់ឆ្នាំង ដែលបណ្តែតបណ្តោយឱ្យមាន សកម្មភាពនេសាទល្មើសច្បាប់ នៅស្រុកជលគីរីផង ។
លេខក្រោយសារព័ត៌មាន យើង នឹងព្យាយាមស្រាវជ្រាវ ព្រមទាំងខិតខំធ្វើព័ត៌មានពីបទ ល្មើសនេសាទ និងជនរត់ការរួច ដៃជាមួយឈ្មួញយកមកផ្សាយ បន្តទៀត ៕ ចេង ប៉ែត
