ខេត្តកណ្ដាល ៖ មន្ទីរសារធារណការ និងដឹកជញ្ជូនខេត្តកណ្ដាល បានប្រកាសផ្អាកចរាចរណ៍ផ្លូវទឹកជាបណ្ដោះអាសន្ន នៅស្ពានព្រែកតាមាក់ គិតចាប់ពីថ្ងៃទី១៣ ខែកញ្ញា ឆ្នាំ២០១៩ តទៅ ក្រោមហេតុផលថា ដោយសារមានឧបទ្ទវហេតុសាឡង់ដឹកខ្សាច់ជាប់គាំង នៅសសរស្ពានព្រែកតាមាក់ តាំងពីថ្ងៃទី៨ ខែកញ្ញា ហើយក្រុមការងារបច្ចេកទេសកំពុងជួយសង្គ្រោះ ។
គួរម្លឹកថា សាឡង់ដឹកខ្សាច់ខ្នាតយក្សមួយគ្រឿង បានបុកគៀបជាប់សសរស្ពានព្រែកតាមាក់ កាលពីរសៀលថ្ងៃទី០៧ ខែកញ្ញា ឆ្នាំ២០១៩កន្លងទៅ ហើយមកទល់ពេលនេះ ស្ថាប័នជំនាញពាក់ព័ន្ធពុំទាន់អាចអូសសាឡង់នោះចេញពីសរសរស្ពាននៅឡើយ ។ ប៉ុន្តែរដ្ឋមន្ត្រីក្រសួងសាធារណការបានបញ្ជាក់ថា ហេតុការណ៍នោះពុំប៉ះពាល់ដល់គ្រឹះសរសរស្ពាននោះទេ ៕
