ខេត្តកោះកុង ៖ ជនជាឃាតកដៃដល់ម្នាក់ ដែលបានសម្លាប់គេនៅខេត្តរតន គិរីរួចរត់ទៅលាក់ខ្លួន ធ្វើជាកម្ម ករនេសាទនៅប្រទេសថៃអស់ ៥ ខែ តែទីបំផុតទៅត្រូវសមត្ថកិច្ច កម្ពុជាសហការជាមួយសមត្ថកិច្ចថៃ ចាប់ខ្លួនបានកាលពីវេលា ម៉ោង ៦ និងង៣០នាទីព្រលប់ ថ្ងៃទី ២២ ខែធ្នូ ឆ្នាំ ២០១៤ ស្ថិតនៅស្រុកប៉រ៉ៃ ខេត្តត្រាត ប្រទេសថៃ ។
លោក ឃឹម សាណេ ស្នង ការរងកណ្តាលយុត្តិធម៌ព្រហ្ម ទណ្ឌនៃស្នងការនគរបាលខេត្តកោះកុង បានឱ្យដឹងនៅព្រឹកថ្ងៃ ទី២៣ ខែធ្នូ នេះថា ជនដៃដល់ ដែលសម្លាប់គេហើយរត់ទៅ លាក់ខ្លួននៅប្រទេសថៃនោះ មាន ឈ្មោះ ផាត ពឿន ហៅ វ៉ា ភេទប្រុស អាយុ ៣៧ ឆ្នាំ មានស្រុកកំណើត នៅភូមិ ៧៦ ឃុំទួលសូភី ស្រុកអូររាំងឪ ខេត្ត ត្បូងឃ្មុំ ។ ហើយបានប្រព្រឹត្តបទ ល្មើសកាប់សម្លាប់ទៅលើជនរង គ្រោះ ឈ្មោះ សៀង លីម ភេទ ប្រុស អាយុ ៥២ឆ្នាំ កាលពីថ្ងៃទី ១១ ខែសីហា ឆ្នាំ២០១៤ នៅ ខេត្តរតនគិរី ។
ការចាប់ខ្លួនជនដៃដល់នេះ គឺអនុវត្តន៍ទៅតាមដីកាបង្គាប់ឱ្យ ចាប់ខ្លួនរបស់សាលាដំបូងខេត្ត រតនគិរីលេខ២០,១៤ធ្វើនៅខេត្ត រតនគិរី ថ្ងៃទី២៥ ខែសីហា ឆ្នាំ ២០១៤ ដោយចៅក្រមស៊ើសួរ លោក ឡុច ឡៅ ។ ហើយការ ចុះអនុវត្តន៍តាមដីកាសាលាដំបូង ខេត្តរតនគិរីនេះ ដោយមានការ ស៊ើបសង្កេតយ៉ាងច្បាស់លាស់ ចំពោះជនដៃដល់ដែលសម្លាប់គេ ហើយរត់គេចខ្លួនទៅជ្រកនៅ ប្រទេសថៃនោះបានរួមសហការ ជាមួយសមត្ថកិច្ចថៃដឹងពីកន្លែង ស្នាក់ច្បាស់លាស់ ហើយលោក បានរាយការណ៍ទៅថ្នាក់លើ ដើម្បីសហការជាមួយកម្លាំង សមត្ថកិច្ចរបស់អង្គរក្សសម្តេច តេជោទៅធ្វើការឃាត់ខ្លួនបាន តែម្តង ។
ពេលនេះជនដៃដល់ត្រូវ សមត្ថកិច្ចបញ្ជូនទៅខេត្តរតនគិរី វិញ ហើយដើម្បីចាត់ការទៅ តាមនីតិវិធីច្បាប់បន្ត ៕
