ខេត្តព្រៃវែង ៖ ស្ត្រីក្រមុំចាស់ទុរគ៌តជនរស់ នៅតែម្នាក់ឯង ដែលមានជីវភាពក្រីក្រលំបាកតោកយ៉ាកគ្មាន ទីពឹងនោះបានទទួលអំណោយ សប្បុរសធម៌នូវផ្ទះមួយខ្នង ស្បៀងអាហារ និងសម្ភារៈប្រើ ប្រាស់មួយចំនួនពីសំណាក់ ឯកឧត្តម ជា សុមេធី ប្រធាន ក្រុមការងារថ្នាក់ជាតិចុះជួយឃុំ ជាខ្លាង ស្រុកស្វាយអន្ទរ ខេត្ត ព្រៃវែង ដែលបានឱ្យលោក អ៊ឹង ប៊ុនចិន និងលោក សឿង សាវុធ ដែលជាក្រុមការងារនាំយកអំណោយទាំងនេះយកទៅប្រគល់ ជូនស្ត្រីក្រមុំចាស់ទុរគ៌តជនរូប នេះដោយផ្ទាល់ដៃ ។
ស្ត្រីក្រមុំចាស់ទុរគ៌តជនរូប នេះមានឈ្មោះ មិន ធឿន អាយុ ៥១ ឆ្នាំ រស់នៅក្នុងភូមិជាខ្លាង ឃុំជាខ្លាង ស្រុកស្វាយអន្ទរ ខេត្តព្រៃវែង ការធ្វើអំណោយ និងការទទួលបាននូវព័ត៌មានអំពី ទុក្ខលំបាករបស់ ស្ត្រីក្រមុំចាស់គឺ អាស្រ័យដោយមានសំណើរបស់ អាជ្ញាធរមូលដ្ឋាន ភូមិ ឃុំ មក កាន់ឯកឧត្តម ជា សុមេធី ដើម្បី បានជួយឧបត្ថម្ថដល់រូបគាត់ដែល កំពុងប្រឈមនឹងការខ្វះខាតយ៉ាង ខ្លាំង និងគ្មានជំរកផងនោះ ។
អំណោយទាំងនោះរួមមាន ផ្ទះសង់រួច១ខ្នង(ទំហំ ៣ ម៉ែត្រ គុណ ៥ម៉ែត្រ )ធ្វើអម្ពីឈើប្រក់ សង្ក័សី អង្ករ ៥០ គក្រ និង ស្បៀងអាហារព្រមទាំងសម្ភារៈ ប្រើប្រាស់មួយចំនួនទៀត ។
អាជ្ញាធរមូលដ្ឋានបាននិយាយឱ្យដឹងថា ស្ត្រីវ័យក្រមុំចាស់ ទុរគ៌តជន មិន ធឿន ត្រូវឱពុក ម្តាយស្លាប់ចោល តាំងពីគាត់ មានអាយុ ៧ឆ្នាំ បន្សល់នៅរូប គាត់តែម្នាក់ឯង កំព្រាទាំងនៅ តូចដោយឃើញសភាពបែបនេះ ម្តាយមីងក៏យកគាត់ឱ្យរស់នៅ ជាមួយរហូតធំពេញវ័យដោយ ស្ថានភាពក្នុងក្រុមគ្រួសារមាន ការលំបាកណាមួយកូនច្រើន ទៀតផងនោះ ម្តាយមីងបាន ជន្លៀសក្រមុំចាស់រូបនេះឱ្យនៅ កន្លែងផ្សេងគ្នាចាប់តាំងពីពេល នោះមកគាត់រស់នៅម្នាក់ឯង រហូតមកដល់បច្ចុប្បន្ននេះ ។
មិន ធឿន ជាស្ត្រីវ័យក្រមុំ ចាស់បានរៀបរាប់អំពីជីវិត កំសត់របស់គាត់ថា ចាប់តាំងពី គាត់ដឹងក្តីពេលណាស្គាល់តែ ការលំបាកគ្មានទីពុំនាក់ដើម្បី ស្នាក់អាស្រ័យរកព្រឹកខ្វះល្ងាច ដើរស៊ីឈ្នួលអ្នកស្រុកស្ទើរមួយ ជីវិតទៅហើយដោយស្នាក់នៅ លើដីម្តាយមីងក្រោមកូនខ្ទមធ្លុះ ធ្លាយដំបូលប្រក់មេឃជូនកាល ដេកតាមសំយ៉ាបផ្ទះគេទៀតផង។
គាត់បានបញ្ជាក់ថា ការ រស់នៅរបស់គាត់ក៏អាស្រ័យ ដោយញាតិជិតខាងជួយផ្គត់ផ្គង់ ដល់គាត់ផងដែរ ។
ស្ត្រីវ័យក្រមុំចាស់បានបន្ត ទៀតថាក្រោយពីក្រុមប្រឹក្សា ប្រចាំមូលដ្ឋានរបស់គណបក្ស ប្រជាជនកម្ពុជាបានស្នើសុំទៅ ម្ចាស់ជំនួយជួយគាត់បាននូវផ្ទះ មួយខ្នង និងស្បៀងអាហាជា ប្រចាំរហូតមកដល់ពេលនេះ ជីវិតនិងក្តីស្រម័យរបស់គាត់ ហាក់ដូចជា មនុស្សថ្មីនៅក្នុង សង្គមចំពោះទុក្ខលំបាកវេទនា តោកយ៉ាកវិញ មិនមានដូចមុន ទៀតឡើយ ៕
ដោយ ៖ សាត ស៊ីន
