កីឡា ៖ គោព្រៃកម្ពុជាទទួលហុងកុងថ្ងៃបើកឆាកជម្រុះ World Cup 2022 និង Asian Cup 2023 ជាមួយហុងកុង នៅថ្ងៃនេះទី ៥ ខែកញ្ញា ចាប់ពីម៉ោង ៦:៣០ ល្ងាចតទៅ នៅពហុកីឡាដ្ឋានជាតិ។
មុននឹងឈានការប្រកួតផ្លូវការ គ្រូបង្វឹកក្រុមជម្រើសជាតិកម្ពុជា លោក Felix Dalmas បានលើកឡើងនៅក្នុងសន្និសីទកាសែត «យើងទទួលស្គាល់ថាកីឡាករហុងកុងមាឌធំ មិនខុសពីយើងលេងទល់នឹងប៉ាគីស្ថាននៅជុំទី១ទេ។ យើងមានបទពិសោធន៍ទល់នឹងកីឡាករមាឌធំៗ។ ចំណុចសំខាន់ យើងត្រូវរក្សាការប្រកួតចង់ឈ្នះលេងឲ្យអស់ពីចិត្ត រក្សាការគ្រប់គ្រងបាល់ ហើយវាជាការប្រកួតដ៏ទាក់ទាញ»។
លោកសង្កត់ធ្ងន់ថា ៖ «គោលដៅរបស់យើងបង្កើតស្ទិលលេងមួយ និង ឲ្យកីឡាករទាំងអស់យល់ដឹងដើម្បីអនាគតបាល់ទាត់កម្ពុជា»។ ចំណែកប្រធានក្រុមកម្ពុជា សឿយ វិសាល បាននិយាយថា « ខ្ញុំសង្ឃឹមថា អ្នកគាំទ្រនឹងមកទស្សនាច្រើនកុះករដដែល ទោះបាត់បង់កីឡាករខ្លះ។ យើងនឹងដឹងអំពីកម្រិតបាល់ទាត់ជម្រើសជាតិតាមរយៈការប្រកួត»៕
