ខេត្តសៀមរាប ៖ កសិដ្ឋានចិញ្ចឹមត្រីឆ្តោដុះ ស្នឹមមួយកន្លែងដែលស្ថិតនៅក្នុង ភូមិក្រសាំងរលើង សង្កាត់ស្វាយដង្គុំ ក្រុង-ខេត្តសៀមរាប ។មិនត្រឹមតែមិនគោរពតាម ការកំណត់ឱសានវាទនៃការអនុ គ្រោះប៉ុណ្ណោះទេ តែថែមទាំង បាននិងកំពុងពង្រីកទីតាំងកាន់ តែធំធាត់ជាងមុនបន្ថែមទៀត ដោយបានដាក់កូនត្រីឆ្តោរតូចៗ ចិញ្ចឹមជាបន្តបន្ទាប់ជាច្រើនស្រះ ដែលគេមានការសង្ស័យថា មានមន្ត្រីជំនាញជលផលនៅពី ក្រោយខ្នង ។
បើតាមប្រភពព័ត៌មានចេញ ពីប្រជាពលរដ្ឋបានឱ្យដឹងថាៈ កសិដ្ឋានចិញ្ចឹមត្រីឆ្តោរមួយនេះ គ្រប់គ្រងដោយ ឈ្មោះ វើក ជា ជនជាតិវៀតណាម ។ ការចិញ្ចឹម ត្រីឆ្តោររបស់ពួកគេពីមុនមាន តែ ៣ស្រះ ទេ ឥឡូវនេះមាន រហូតដល់ ៧ស្រះ ដោយពុំមាន សមត្ថកិច្ចជំនាញធ្វើការទប់ ស្កាត់ ឬ បង្ក្រាបនោះឡើយ ។
បើតាមច្បាប់ហាមឃាត់ មិនឱ្យមានការចិញ្ចឹមត្រីឆ្តោរ នោះ គឺដោយសារតែការចិញ្ចឹម នេះវាត្រូវការកូនត្រីធ្វើជាចំណី របស់ពួកវាដូចនេះការចិញ្ចឹមត្រី ឆ្តោរវានាំទៅដល់ការបំផ្លិចបំផ្លាញ ធនធានមច្ឆជាតិដ៏ធ្ងន់ធ្ងរ ។
តាមការបញ្ជាក់របស់ឯក ឧត្តម ប៊ុន ថាឫទ្ធិ អភិបាលរង ខេត្តសៀមរាបបានឱ្យដឹងថា កាលនៅចុងឆ្នាំ២០១៣ សមត្ថ កិច្ចបានធ្វើការបង្ក្រាបលុបបំបាត់ កសិដ្ខានចឹញ្ចឹមត្រីឆ្តោរជាទ្រង់ ទ្រាយធំម្តងរួចមកហើយ ដែល កាលណោះដោយមានការអង្វរ ករពីសំណាក់ម្ចាស់កសិដ្ឋានសុំ ការពន្យាដើម្បីត្រីធំល្មមចាប់លក់ លក់ហើយនិងបញ្ឈប់ការចិញ្ចឹម ត្រីឆ្តោរទៀតហើយ ។ អាស្រ័យ ដោយមានការសម្របសម្រួលពី អាជ្ញាធរខេត្ត និងអ្នកតំណាង រាស្ត្រផងដែរ និងដោយមានការ យោគយល់ដល់ប្រការនៃការ ខាតបង់នោះក៏មានការឯកភាព ជាមួយជំនាញ សុំការអនុគ្រោះ កំណត់ឱសានវាទនៃការចិញ្ចឹម ត្រីឆ្តោត្រឹមខែមិនា ឆ្នាំ២០១៤។
ឯកឧត្តមបានបន្តទៀតថា ឥឡូវនេះផុតកាលកំណត់ឱសាន វាទហើយ សមត្ថកិច្ចនិងជំនាញ អាចប្រើប្រាស់វិធានការច្បាប់ បានក៏ប៉ុន្តែកសិដ្ឋានចិញ្ចឹមត្រីឆ្តោ នៅតែបន្តសកម្មភាពរបស់ខ្លួន អាជ្ញាធរខេត្តឥតមានតម្លៃណា ដើម្បីការពារបទល្មើសទាំងនោះ បានទេ ។
ឯកឧត្តមបានបញ្ជាក់បន្ថែម ថា ជាក់ស្តែងនៅក្នុងកិច្ចប្រជុំ ក្រុមប្រឹក្សាខេត្ត នាព្រឹកថ្ងៃទី៣ ខែវិច្ឆិកា ឆ្នាំ២០១៤នេះ ក៏បាន លើកឡើងអំពីករណីលុបបំបាត់ កសិដ្ឋានចិញ្ចឹមត្រីឆ្តោរទាំងនោះ ផងដែរ ក៏ប៉ុន្តែមន្ត្រីជំនាញផ្នែក ជលផលបានផ្តល់យោបល់ ដោយពុំមានការទទួលឧសត្រូវ ឡើយ ។
មានប្រភពព័តមានបាន និយាយថា ពួកគេបានឃើញ លិខិតអនុញ្ញាតឱ្យចិញ្ចឹមត្រីឆ្តោ ជាលក្ខណៈគ្រួសាររបស់ឯកឧត្តម បណ្ឌិត ណៅ ធួក ដោយ លិខិតអនុញ្ញាតិនោះមានសរសេរ ថា ការចិញ្ចឹមត្រីឆ្តោរសាកល្បង (ឱ្យប្រើប្រាស់ចំណីកែច្នៃ សិប្ប និម្មិត ) ។ ប្រភពព័តមាននោះ បាននិយាយទៀតថា គេមិនជឿ ថាមានលិខិតអនុញ្ញតិនោះទេ បើមានទំនងជារបស់ក្លែងក្លាយ ។ ចំណែកឯក្រុមកូនចៅរបស់ ម្ចាស់កសិដ្ឋានឈ្មោះ វើក នោះ បានអះអាងថា ការបើកកសិដ្ឋាន ចិញ្ចឹមត្រីឆ្តោនេះពួកគាត់មាន លិខិតអនុញ្ញតត្រឹមត្រូវពីរដ្ឋបាល ជលផល ។
រាល់ករណីខាងលើនេះអ្នក យកព័ត៌មានបានសុំការអនុញ្ញាតទៅ លោក ព្រិន សាវិន នាយ ខ័ណរដ្ឋបាលជលផលសៀមរាប ដើម្បីសុំការបំភ្លឺ ។ ប៉ុន្តែការសុំ បំភ្លឺនេះបានធ្វើការព្យាយាមអស់ រយៈពេល២ថ្ងៃហើយ លោក នាយជលផលរូបនេះមិនទទួល ទូរសព្ទ័ឡើយ ។ ចំពោះបញ្ហា ការចេញលិខិតអនុញ្ញាតិចិញ្ចឹម ត្រីឆ្តោជាលក្ខណៈគ្រួសារដោយ ប្រើចំណីកែច្នៃឬសិប្បនិមិត្តនោះ អ្នកយកព័តមានក៏សុំការបំភ្លឺពី សំណាក់ឯកឧត្តម បណ្ឌិត ណៅ ធួក ផងដែរ ក៏ប៉ុន្តែលេខទូរស័ព្ទ របស់ឯកឧត្តមបណ្ឌិត ០១២ ៨៨២ ០២១ ទាក់ទងមិនបានឡើយ ៕
ដោយ ៖ សាត ស៊ីន
