កីឡា ៖ យោងតាមការបង្ហោះនៅលើផេកផ្លូវការរបស់សហព័ន្ធកីឡាតេក្វាន់ដូ អាយធីអែហ្វ កម្ពុជា កីឡាករ ប៉ាល់ ជីវ័ន បានដណ្តើមយកមេដាយមាស១គ្រឿងហើយជូនជាតិ ក្នុងប្រកួតជម្រើសជើងឯកពិភពលោកតេក្វាន់ដូ នៅប្រទេសប៊ុលហ្គារី កាលពីយប់មិញ ដែលជាមទនភាពរបស់ជាតិខ្មែរយើង។
នេះជាមេដាយដំបូង នៃការប្រកួតរបស់កម្ពុជា សម្រាប់ការចូលរួម ដែលពិធីបើកជាផ្លូវការទើបតែធ្វើឡើងនៅថ្ងៃម្សិលមិញនេះ ហើយប្រធានសហព័ន្ធ តេក្វាន់ដូ ITF សង្ឃឹមថានិងទទួលបានមេដាយជាបន្តបន្ទាប់ទៀត ព្រោះនៅមានវិញ្ញាសា ច្រើនទៀត ដែលមិនទាន់ប្រកួត។
ការប្រកួត World ITF Taekwon-do Championship នៅប្រទេសប៊ុលហ្គារី ចាប់ផ្ដើមពីថ្ងៃ២៤ ដល់ថ្ងៃទី៣០ ខែសីហា ឆ្នាំ២០១៩។ សម្រាប់កម្ពុជាបានបញ្ជូនកីឡាករ កីឡាការិនីទៅចូលរួមប្រកួតចំនួន១៧នាក់ មានស្រី២នាក់ និងមាន ប្រទេសចូលរួមប្រកួតមានដល់ទៅ៧៤ប្រទេស៕
