រាជធានីភ្នំពេញ ៖ យោងតាមប្រភពព័ត៌មានបានបញ្ជាក់នៅ ថ្ងៃទី ២៤ ខែសីហា នេះថា អាជ្ញាធរ បានសម្រេចវាយកម្ទេច អគារកម្ពស់៦ជាន់នៃរោងចក្រផលិតពូក នៅខណ្ឌមានជ័យ ដើម្បីការពារ ការបាក់ស្រុត បង្កគ្រោះថ្នាក់ ដល់ពលរដ្ឋដែលរស់នៅក្បែរខាង ។
ការសម្រេចនេះ គឺក្រោយពេលដែលសមត្ថកិច្ចជំនាញក្នុងនោះ ក៏មាន វត្តមានលោកទេសរដ្ឋមន្ត្រី គន់ គីម អនុប្រធាន ទី១នៃគណៈកម្មាធិការជាតិ គ្រប់គ្រងគ្រោះមហន្តរាយ បានចុះទៅពិនិត្យស្ថានភាពគ្រោះអគ្គិភ័យនេះនៅព្រឹកមិញនេះ ។
គួរជម្រាបថា គ្រោះអគ្គិភ័យឆេះអគារ រោងចក្រផលិតពូកនេះ បានកើតឡើងតាំងពីម៉ោងជាង១ថ្ងៃត្រង់ថ្ងៃទី២៣ ខែសីហា ម្សិលមិញមកម្ល៉េះ ដែលផ្តើមឆេះចេញពីរោងចក្រសិប្បកម្ម ផលិតពូក ទើបរាលដាលដល់អាគារចំនួន៣ទៀតនៅជាប់នោះ ៕
