ខេត្តកំពត ៖ នៅព្រឹកថ្ងៃទី១២ ខែសីហា វិវឌ្ឍនភាពគិតដល់ម៉ោង ៨ និង៣០នាទី ព្រឹកថ្ងៃទី១២ ខែសីហា ឆ្នាំ២០១៩ លើការងារអន្តរាគមន៍ទប់ទល់ការហូរដាច់នៃទំនប់អាងទឹកកូនសត្វ ឬប្រទាក់ក្រឡា ស្ថិតក្នុងឃុំកូនសត្វ ស្រុកទឹកឈូ ខេត្តកំពត ។ យោងតាមផេកក្រសួងធនធានទឹក និងឧតុនិយម បានឲ្យដឹងថា
ទំនប់ត្រូវបានបិទភ្ជិតទាំងស្រុង នៅវេលាម៉ោង ៨ និង២០នាទីព្រឹកនេះ ដោយប្រើរយ:ពេលអស់ប្រមាណ ២០ម៉ោង។ នៅសល់ការងារបន្ត គឺពង្រឹងកន្លែងដាច់ឲ្យបានរឹងមាំបន្ថែមតែប៉ុណ្ណោះ។
ក្នុងការងារនេះក្រសួងបានប្រើប្រាស់នូវ៖
-គ្រឿងចក្រធុនធ្ងន់ចំនួន ១៤គ្រឿង រួមមាន អ៊ិចស្កាវាទ័រដៃវែងដៃខ្លី ចំនួន ០៦គ្រឿង, រថយន្តបែនចំនួន ០៦គ្រឿង, ប៊ុលដូហ្ស័រចំនួន ០១គ្រឿង និងសាហ្ស័រចំនួន ០១គ្រឿង។
-សម្ភារ:ជំនួយមាន កញ្ច្រែងថ្មចំនួន ១០០ដុំថ្ម
-ដីប្រមាណ ៥០០ម៉ែត្រគូប។
កម្លាំងសរុបដែលដឹកនាំផ្ទាល់ដោយ រដ្ឋមន្ត្រី, រដ្ឋលេខាធិការប្រចាំការ ដែលជាប្រធានមុខព្រួញប្រចាំទិស, អគ្គនាយក, ប្រធាននាយកដ្ឋាន, ប្រធានមន្ទីរកំពត-កែប, មន្ត្រីរាជការ, អ្នកបើកបរគ្រឿងចក្រ និងកម្មករ សរុបចំនួន ១០០នាក់ផងដែរ៕
ទំនប់ប្រទាក់ក្រឡា ស្ថិតក្នុងឃុំកូនសត្វ ស្រុកទឹកឈូ ដែលបាក់នោះ ត្រូវបានបិទភ្ជិតវិញហើយ
Filed in: ព័ត៌មានជាតិ
