រាជធានីភ្នំពេញ ៖ កាលពីវេលាម៉ោង២៣,៤០នាទីយប់ថ្ងៃទី ០៧ ខែសីហា-ឆ្នាំ២០១៩ ស្ត្រីម្នាក់ត្រូវបុរសជាប្តីប្រើកាំភ្លើងខ្លីម៉ាកK៥៩ បាញ់ប៉ងសម្លាប់ចោល ស្ថិតនៅតាមផ្លូវលំក្នុងភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ បណ្តាលឲ្យរងរបួសធ្ងន់ ។
ជនសង្ស័យជាប្តី មានឈ្មោះ ឆោម ចំណាន ភេទប្រុស អាយុ៣៩ឆ្នាំ ជនជាតិខ្មែរ មុខរបរយោធា(ខរមរៈភូមិន្ទ) ស្នាក់នៅភូមិសាលាដែង ឃុំឬស្សីក្រោក ស្រុកមង្គល់បូរីបន្ទាយមានជយ័។ឯស្ត្រីរងគ្រោះឈ្មោះ ជា បតី (ជា គឹមឡាង) ភេទស្រី អាយុ៣៥ឆ្នាំ ជនជាតិខ្មែរ មុខរបរលក់ខោអាវនៅផ្សារចិនណាន់ ស្នាក់នៅផ្ទះគ្មានលេខ ផ្លូវបេតុង ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ បានរបួសដើមដៃខាងឆ្វេង ពោះទឹកខាងឆ្វេង លើស្មាខាងស្តាំ លើពោះទឹកខាងស្តាំ ។
តាមព័តមានបានឲ្យដឹងថា មុនពេលកើតហេតុជនសង្ស័យជាប្តីបានទូរសព្ទ័ហៅជនរងគ្រោះជាប្រពន្ធមកជួបខ្លួន នៅចំណុចកើតហេតុខាងលើពេលជនរងគ្រោះមកដល់ ជនសង្ស័យបានដើរទៅរថយន្តរបស់ខ្លួនយកកាំភ្លើងខ្លីK៥៩ពីក្នុងរថយន្តអាមេបញ្ចូលគ្រាប់ បាញ់សំដៅទៅលលើជនរងគ្រោះចំនួន ០៧គ្រាប់ តែត្រូវជនជរងចំនួន០៤គ្រាប់ បណ្តាលឲ្យរងរបួសធ្ងន់ ហើយត្រូវបានបញ្ជូនព្យាបាលនៅមន្ទីរពេទ្យកាល់ឡឺម៉ែត។ ជនសង្ស័យក្រោយពីបាញ់ហើយបានឡើងបើករថយន្តរត់គេចខ្លួនដែរ តែត្រូវកម្លាំងល្បាតរបស់អធិការដ្ឋាននគរបាលខណ្ឌសែនសុខឃើញហេតុការណ៍ ធ្វើការដេញតាមចាប់បានជនសង្ស័យ យកមកធ្វើការសាកសួរនៅអធិការដ្ឋាននគរបាលខណ្ឌសែនសុខ។
ប្រភពពីសមត្ថកិច្ចបានប្រាប់ឲ្យដឹងថា ប្តីប្រពន្ធពីរនាក់បានរៀបការជាមួយគ្នារយះពេល៥ឆ្នាំមកហើយ និងមានកូនពីរនាក់នៅក្នុងបន្ទុកដោយអ្នកទាំងពីររស់នៅឯខេត្តបន្ទាយមានជ័យដោយប្តីធ្វើជាទាហានក្រោយមកប្រពន្ធបានមករស់នៅភ្នំពេញរយះពេល៣ឆ្នាំដោយប្រកបមុខរបរជាអ្នកលក់ខោអាវ ចំណែកប្តី រស់នៅឯខេត្ត រយះពេល១ខែទើបប្តីមកជួបប្រពន្ធម្តង។មូលហេតុនាំឲ្យមានការបាញ់ប្រហារ បើតាមអ្នកស្គាល់និយាយថាមកពីប្រចណ្ឌ័?។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខដើម្បីកសាងសំណុំរឿងតាមនិតិវិធីច្បាប់។
