ខេត្តបាត់ដំបង ៖ ខណៈនេះអាជ្ញាធរដោះស្រាយជូនពលរដ្ឋប្រមាណ៥០គ្រួសារ ក្នុងករណីទំនាស់ដីធ្លីដ៏រ៉ាំរ៉ៃរវាងពលរដ្ឋ និងគ្រួសារកងទ័ព ចំនួន ៤៨ គ្រួសារ ស្ថិតនៅភូមិព្រៃព្រាល ឃុំឃ្លាំងមាស ស្រុកបវេល ដែលបានកើតឡើងតាំងពីឆ្នាំ១៩៩៨ រហូតមកដល់ឆ្នាំ២០១៨ អស់រយៈពេល ២០ឆ្នាំកន្លងមកហើយនោះ។
លោក ងួន រតនៈ អភិបាលខេត្តបាត់ដំបងបានថ្លែងនៅក្នុងឱកាសចែកបណ្ណកម្មសិទ្ធិដីធ្លីដល់ពលរដ្ឋថា ករណីទំនាស់ដីធ្លីដ៏រ៉ាំរ៉ៃនេះ សរុបចំនួន ៥១ ក្បាលដី ស្មើនឹង ៤៨ គ្រួសារ បានដោះស្រាយបញ្ចប់ និងបានធ្វើបណ្ណកម្មសិទ្ធិបានចំនួន ៥០ក្បាលដី និងសល់ ១ ក្បាលដី មិនបានបំពេញទិន្នន័យ ដោយមូលហេតុចំណាកស្រុក ៕