ខេត្តកំពង់ធំ ៖ បន្ទាប់ពីការប្រកាសអនុក្រឹតរាជរដ្ឋាភិបាលកម្ពុជាតែងតាំងលោកវីរសេនីទោ សន តាល់ ជាអធិការនគបាលស្រុកតាំងគោក លោក សន តាល់ បានឡើងប្តេជ្ញាចិត្តបំពេញតួនាទី នឹងពង្រឹងសន្តិសុខជូនប្រជាពលរដ្ឋក្នុងស្រុក។
នៅរសៀលថ្ងៃទី០២ ខែសីហា ឆ្នាំ២០១៩ ចូលរួមមានកងកម្លាំងនគបាលស្រុក ក្រុមប្រឹក្សាឃុំ ស្រុកប្រមាណ៥០០នាក់ ស្ថិតនៅឃុំសូយោង ស្រុកតាំងគោក ខេត្តកំពង់ធំ។
ថ្លែងក្នុងពិធីប្រកាសចូលកាន់តំណែង លោក ហាក់ ម៉ុងហួត អភិបាលនៃគណអភិបាលស្រុកតាំងគោក មានប្រសាសន៍ ផ្តាំផ្ញើរទៅកងកម្លាំងនគបាល ត្រូវធ្វើកិច្ចការតាមការណែនាំពីក្រសួងមហាផ្ទៃ សហការណ៍ជាមួយជំនាញពាក់ព័ន្ធជាបន្ទាត់ដើរ ជាម៉ែត្រវាស់ ក្រុមការងារមួយច្បាស់លាស់ និងក្រមសិលធម៌វិជ្ជាជីវៈ ប្រឹងប្រែងដឹកនាំរបស់ក្រសួងមហាផ្ទៃ អភិបាលកិច្ចល្អ ការគ្រប់គ្រងបរិបទប្រជាធិបតេយ្យ បើកបេះដូងជាការសម្រេចក្នុងការងារគ្រប់គ្រងធ្វើបែបគំនិតថ្មីចូលរួមជាក្រុម។
ឡើងជាអធិការ អម្រែកជាច្រើនត្រូវដោះស្រាយ មានប្រអប់ចែកការងារធ្វើសេវាផ្តល់ជូនប្រជាពលរដ្ឋរហ័សទាន់ចិត្តកាន់តែប្រសើរជាងមុន ធានាឆ្លើយតាមសំណូមពរ ពលរដ្ឋចូលរួមដោះស្រាយ គោរពថានានុក្រមមុខងារភារៈកិច្ចរៀងៗខ្លួន ដោយសាមគ្គីភាពគ្នា កុំបង្កើតបញ្ហាមានសភាពការត្រូវដោះស្រាយជាបន្ទាន់ ពីរនាទីក្តី ប្រាំនាទីក្តី ពេលខ្លះអាចរបូតមុខតំណែងការងារ ចាំបាច់ចូលរួជាក្រុមដើម្បីប្រជាពលរដ្ឋ។
មានប្រសាសន៍ក្នុងឳកាសនេះ ឯកឧត្តមឧត្តមសេនីយ៍ទោ អ៊ុក កុសល បានពាំនាំប្រទីបសន្តិបណ្ឌិតអគ្គស្នងការនគបាលជាតិ នាយឧត្តមសេនីយ៍ នេត សាវឿន ផ្កាយមាសបួន និងឯកឧត្តម សុខ លូ អភិបាលខេត្តកំពង់ធំ មានការយកចិត្តទុកដាក់ដល់កងកម្លាំងប្រដាប់អាវុធ កិច្ចការមួយចំនួនដើម្បីដឹកនាំ កាតព្វកិច្ចជ្រើសតាំងអធិការរងទទួលផែនបន្ថែមទៀតទៅតាមសេចក្តីសម្រេចក្រសួងមហាផ្ទៃ។ លោកអធិការត្រូវដើរតួនាទីគ្រប់គ្រងគ្រប់មុខជំនាញទាំងអស់ សន្តិសុខទាំងអស់ក្នុងស្រុកធ្វើយ៉ាងណាធ្វើទៅតាមប៉ុស្តនីមួយៗ ត្រូវយកចិត្តទុកដាក់ជូនប្រជាពលរដ្ឋ និងផ្តល់សេវាអោយបានឆាប់រហ័សកុំធ្វើបាបប្រជាពលរដ្ឋអោយសោះ ។ ឯកឧត្តមឧត្តមសេនីយ៍ទោ អ៊ុក កុសល បានជំរុញអោយនគបាលយើងទាំអស់ត្រូវទប់ស្កាត់នូវបទល្មើចោរកម្ម និងចោរកម្មជំរិតអោយបានខ្លាំងក្លា ដូចជាសារធាតុញៀន និងពង្រឹងច្បាប់ចរាចរណ៍ ត្រួតពិនិត្យការពាក់មួកសុវត្ថិភាព អនុវត្តទៅតាមច្បាប់ ធ្វើជាគំរូចូលរួមជាមួយប្រជាពលរដ្ឋ៕តេច ឆេង
