អន្តរជាតិ ៖ លោកនាយករដ្ឋមន្ត្រីថៃ ប្រាយុទ្ធ ចាន់អូរចា កាលពីថ្ងៃសុក្រ បានច្រានចោលការចោទប្រកាន់មួយដោយសមាជិកសភាម្នាក់ដែលបានចោទប្រកាន់លោកថា បានរៀបចំគម្រាងជាយូរមកហើយដើម្បីធ្វើរដ្ឋប្រហារឆ្នាំ ២០១៤ ។ នេះបើយោងតាមប្រភពពីសារព័ត៌មានថៃ បាងកកប៉ុស្តិ។
លោកប្រាយុទ្ធ បានលើកឡើងនៅក្នុងកិច្ចប្រជុំរួមសមាជិកសភា និងសមាជិកព្រឹទ្ធសភា នៅថ្ងៃទី២នៃកិច្ចពិភាក្សា ស្តីពីគោលនយោបាយ នៃរដ្ឋាភិបាលថ្មីរបស់លោក ដូច្នេះថា” ខ្ញុំបានធ្វើការសម្រេចចិត្តនៅថ្ងៃនោះ។ ខ្ញុំមិនបានគ្រោងទុកវាជាមុនទេ»។
លោកប្រាយុទ្ធ បានថ្លែងដូច្នេះគឺសំដៅទៅការធ្វើរដ្ឋប្រហារយោធា កាលពីថ្ងៃទី២២ ខែឧសភា ឆ្នាំ២០១៤ ជាថ្ងៃដែលលោកបានដឹកនាំយោធា កាន់កាប់អំណាចប្រទេស នៅពេលដែលលោកជាមេបញ្ជាការកងទ័ពជើងគោក។
ការធ្វើរដ្ឋប្រហារនេះបានកើតឡើងបន្ទាប់ពីកិច្ចប្រជុំជាមួយរដ្ឋាភិបាលជាន់ខ្ពស់និងអ្នកនយោបាយនិងអ្នកតវ៉ាប្រឆាំងដែលក្នុងនោះលោកមិនអាចបញ្ចុះបញ្ចូលពួកគេឱ្យព្យាយាមនិងស្វែងរកដំណោះស្រាយចំពោះអំពើហិង្សានៅតាមដងផ្លូវជាច្រើនខែ។
លោក Wan Muhammad Nor Matha មេដឹកនាំបក្ស Prachachat Party បានជំរុញឲ្យលោកនាយករដ្ឋមន្ត្រីពន្យល់អំពីមូលហេតុនៃការរឹបអូសយកអំណាចរយៈពេល៣ឆ្នាំមុនពេលលោកបញ្ជាឱ្យកងទ័ពនិងរថក្រោះចេញតាមដងផ្លូវ។នៅពេលនោះលោក Wan ជាសមាជិកនៃគណបក្សភឿថៃគ្រប់គ្រង។
មួយឆ្នាំក្រោយមកនៅក្នុងខែឧសភាឆ្នាំ២០១៥ ឧត្តមសេនីយ៍ Prayut បានបដិសេធការលើកឡើងរបស់អតីតនាយករដ្ឋមន្ត្រី Thaksin Shinawatra ថាក្រុមប្រឹក្សាសម្ងាត់គឺនៅពីក្រោយខ្នងការធ្វើរដ្ឋប្រហារនេះ ដោយលោក Prayut បានអះអាងថា លោលបានធ្វើការសម្រេចចិត្តដោយខ្លួនឯង៕
