រាជធានីភ្នំពេញ ៖ កាលពីម្សិលម៉ិញ សម្ថកិច្ចបានឃាត់ខ្លួនយុវជន គង់ រ៉ៃយ៉ា អ្នកគាំទ្រអតីតបក្សប្រឆាំងដែលធ្លាប់ត្រូវបានសមត្ថកិច្ចចាប់ខ្លួនម្តងរួចមកហើយ រួមទាំងយុវជន៣នាក់ផ្សេងទៀត ពាក់ព័ន្ធនឹងការញុះញង់បង្កចលាចលនៅក្នុងសង្គម ដើម្បីយកទៅសួរនាំ នៅស្នងការដ្ឋាននគរបាលរាជធានីភ្នំពេញ ។
សមត្ថកិច្ចបានបញ្ជាក់ថា យុវជន៤នាក់ដែលត្រូវឃាត់ខ្លួនយកទៅសួរនាំរួមមានប្រុស២នាក់ និងស្រី២នាក់ ដែលក្នុងនោះមានម្នាក់ត្រូវបានគេស្គាល់ថា ជាអ្នកគាំទ្រអតីតបក្សប្រឆាំង ដែលធ្លាប់ត្រូវបានសមត្ថកិច្ចចាប់ខ្លួនដាក់ពន្ធនាគារផងដែរ នោះគឺយុវជន គង់ រ៉ៃយ៉ា ។
សមត្ថកិច្ចនៅមិនទាន់ផ្តល់ព័ត៌មានលម្អិត ទាក់ទងការចាប់ឃាត់ខ្លួនយុវជនទាំង៤នាក់នៅឡើយទេ រហូតមកដល់ពេលនេះ ដោយគ្រាន់តែបង្ហើបថា ពាក់ព័ន្ធករណីញុះញង់បង្កចលាចលតាមបណ្តាញសង្គម ហ្វេសប៊ុក ៕
