ខេត្តឧត្តរមានជ័យ ៖ កាលពី១១ : ៣០ នាទីព្រឹកថ្ងៃទី ០៧ ខែធ្នូ ឆ្នាំ ២០១៤ កុមារា ម្នាក់ចំណោម ៣ នាក់បានជាន់មីនស្គរ ផ្ទុះដាច់ជើងម្ខាង ពេលទៅរកកាប់ឈើ ជាមួយឪពុកនៅតំបន់ភ្នំមានមីន ។
លោក សៅ ប៊ុនថេង ហៅ រី ជាមេភូមិដងទង់ បានប្រាប់ថា កុមារារងគ្រោះមានឈ្មោះតួប៉ោអាយុ១៣ឆ្នាំដាច់ប្រអប់ជើងខាងស្តាំ មានឪពុកឈ្មោះ ហ៊ា តួ អាយុ ៤៨ ឆ្នាំ ទាំងអស់គ្នារស់នៅភូមិកើតហេតុ ។ ចំណែកមីនប្រភេទមីនស្គរ សល់ពីសម័យសង្គ្រាម ។ ឪពុកកុមារារងគ្រោះឈ្មោះ ហ៊ា តួ បានអោយដឹងថាគាត់បាននាំកូន៣នាក់មករកកាប់ឈើប្រណិត ពេលដើរបែកគ្នា ស្រាប់តែកុមារារងគ្រោះ មានឈ្មោះ តួប៉ោ អាយុ១៣ឆ្នាំ ជាន់មីនបណ្តាលអោយផ្ទុះដាច់ប្រអប់ជើងខាងស្តាំ តែម្តង ។
លោកមេភូមិបានបញ្ជាក់ថា ធ្លាប់ប្រជុំប្រាប់ដល់ប្រជាពលរដ្ឋនៅតាមតំបន់នេះជាច្រើនដងមកហើយ.ដើម្បីការពារអាយុជីវិតពួកគាត់ កុំអោយចូលព្រៃរកឈើ ដោយសារគ្រាប់មីនមាននៅសល់រាយប៉ាយច្រើន កាលពីសមយ័សង្គ្រាម ហើយក្រុមកំចាត់មីនមិនទាន់ចូលមកដល់ចំណុចនេះនៅឡើយទេ ។
សូមកងកម្លាំងដែលឈរជើងនៅតាមតំបន់នេះ ជាពិសេសកងកម្លាំងឈរជើងដូចជា ទាហ៊ានសឹករងក្រុងសំរោង នគបាលវរះព្រុំដែន ៩០៥ មេត្តាជួយប្រាប់ដល់ប្រជាពលរដ្ឋខ្លះផង ពីព្រោះ អ្នកខ្លះគាត់មិនបានដឹងតំបន់មីននេះទេ ៕
