កំពង់ធំ ៖ មានករណីចោរកម្មលួចម៉ូតូនិងទទួលផលចោរកម្មកើតឡើង នៅវេលាម៉ោង ១០: ១០នាទី ថ្ងៃទី០៦ ខែធ្នូ ឆ្នាំ២០១៤ ឋិតនៅតំបន់វាលវែង ក្នុងភូមិសាស្ត្រ ភូមិពង្រលីង ឃុំក្រវ៉ា ត្រូវបានជន់សង្ស័យ លូចម៉ូតូ១គ្រឿងម៉ាក វេវពណ៌ស្លែ ដែលមានលេខតួ៣៧៨៣៧៨ លេខម៉ាស៊ីន ០៣៧៨៣៧៩ ផ្លាកលេខ ក.ច 1E3245 ដែលជារបស់ជនរងគ្រោះឈ្មោះ ឈួន ឆុង ភេទប្រុសអាយុ២៨ឆ្នាំ រស់នៅភូមិពង្រលីង ឃុំក្រវ៉ា ស្រុកបារាយណ៍ ខេត្តកំពង់ធំ ។ ក្នុងករណីនេះ ជនសង្ស័យឃាត់ខ្លួនបានមួយនាក់ឈ្មោះ ឃិន ភិន ភេទប្រុសអាយុ៣៨ឆ្នាំ រស់នៅភូមិតាពៅ ឃុំគគីធំ ស្រុកបារាយណ៍ ខេត្តកំពង់ធំ ។
មុនពេលកើតហេតុជន់រងគ្រោះបានជិះម៉ូតូរបស់ខ្លួនទៅច្រូតស្មៅ ហើយបញ្ឍរម៉ូតូទុកចោលលើផ្លូវហើយចុះ ទៅច្រូតស្មៅ ពេលដែលច្រូតស្មៅ ហើយមករកម៉ូតូក៍ស្រាប់តែបាត់ម៉ូតូ ហើយក៍រត់ទៅរាយណ៍ការណ៍ប្រាប់សមត្ថកិច្ច ហើយសមត្ថកិច្ចទូរស័ព្ទទៅតាមគោលដៅដែលឈរជើង ឲ្យជួយស្ទាក់ចាប់ម៉ួតូ ដែលចោរលួចលុះដល់វេលាម៉ោង ១៧.២០នាទី ថ្ងៃទី០៦ ខែធ្នូ ឆ្នាំ២០១៤ ទើបឃើញជនសង្ស័យជិះម៉ូតូយកទៅលក់ឲ្យអ្នកទទួលទិញ នឹងបញ្ចាំឈ្មោស៊ីមប៊ុនថា ភេទប្រុសអាយុ៤៥ឆ្នាំ រស់នៅភូមិសូយោង ឃុំសូយោង ស្រុកបារាយណ៍ ខេត្តកំពង់ធំ និងជាគ្រូបង្រៀនផង ។
ក្នុងករណីនេះដែរ សមត្ថកិច្ចឈានដល់ការឆែកឆេផ្ទះ ដែលទទួលផល់ចោរកម្មនេះបា នរកឃើញម៉ូតូចំនួន៧គ្រឿងទៀត សង់កូរ៉េ៥គ្រឿងសេ១២៥ ពីគ្រឿងសេរី២០១១ មួយគ្រឿងសេរី២០១៤ មួយគ្រឿង ។
តាមការឲ្យដឹងពីលោកស្រី ច័ន ស៊ីណា អធិការងទទួលផែនព្រហ្មទណ្ឌស្រុកបារាយណ៍ ប្រាប់អ្នកយកពត៏មានឲ្យដឹងថា ចំណែកម៉ូតូ៧គ្រឿងដែលរកឃើញសុទ្ធតែមានឯកសារទាំងអស់ ត្រូវបានយកមករក្សាទុកនៅអធិការដ្ឋាននគរបាលស្រុក ចំណែកជនសង្ស័យទាំងពីរនាក់ និងម៉ូតូមួយគ្រឿង ត្រូវបានសមត្ថកិច្ចកសាងសុំណុំរឿងបញ្ជូនទៅសាលាដំបូងខេត្តកំពង់ធំចាត់ការបន្ត ៕
ដោយសុផាត
