ខេត្តកំពង់ស្ពឺ ៖ កាលពីថ្ងៃទី ២៦ ខែមិថុនាឆ្នាំ២០១៩ នៅលើផ្លូវលំគ្រួសក្រហម ខាងកើតភូមិស្រែអណ្តូង ឃុំទ័ពមាន ស្រុកថ្ពង ខេត្តកំពង់ស្ពឺ មានបុរសម្នាក់ កំពុងចុចតេឡេបញ្ជាមេអាប៉ោងត្រូវអ្នកចាក់ចាប់បាន ហើយមានការភ័យខ្លាចគេវ៉ៃ ក៏រត់យកប្រាស់អាយុ ប៉ុន្តែត្រូវជំពប់ជើងដួលផ្កាប់មុខបណ្តាលឱ្យស្លាប់ ។
ប្រភពបន្តថាមុនពេលកើតហេតុជនរងគ្រោះបានលេងអាប៉ោងនៅក្នុងចម្ការស្វាយខាងត្បូងភូមិស្រែអណ្តូងជាមួយមនុស្សប្រុសស្រីជាច្រើននាក់ ហើយជនរងគ្រោះជាអ្នកបាញ់មេអាប៉ោង ប៉ុន្តែពេលកំពុងតែលេងក្រុមអ្នកចាក់អាប៉ោងចាប់បានតេឡេបញ្ជាដែលធ្វើអំពីឆ្អឹងសត្វដំរីដោយអ្នកជំនាញខាងដុះមេអាប៉ោងទាំង៦ជ្រុងនោះអាចបង្កប់មេដែកមួយជ្រុងសម្រាប់បញ្ជាតាមចិត្តដែលមេអាប៉ោងចង់ឲ្យចេញ ។
ចំណែកនៅខាងក្រោមមេអាប៉ោងមានចានសម្រាប់បាញ់ម្លោះហើយក្រោមចាននោះក៏គេដាក់មេដែកមួយផងដែរ។តែមេដែកខាងក្រោមចានវាធំជាងមេប៉ោងទើបអាចបញ្ជាបាន។គ្រាន់តែអ្នកបាញ់មេអាប៉ោងរុញមេដែកខាងក្រោមចានទៅមុខឫទៅក្រោយធំឬតូចដើម្បីស៊ីពីអ្នកចាក់។
ខណៈដែលអ្នកចាក់ទាញយកមេដែកបញ្ជាមេអាប៉ោងយកបោកចោល។អ្នកបាញ់មេអាប៉ោងខ្លាចក្រុមអ្នកចាក់វ៉ៃភ័យក៏យកមេអាប៉ោងរត់ចេញពីវង់លេងរួចជំពប់ជើងដួលផ្កាប់មុខស្លាប់ភ្លាមៗតែម្តង ។
ក្រោយមកនគរបាលជំនាញបានពិនិត្យឃើញថាបុរសខាងលើពិតជាស្លាប់ដោយសាររត់ដួលជំពប់ថ្ម ផ្គាប់មុខដាច់សសៃឈាមស្លាប់ភ្លាមៗនៅកន្លែងប្រាកដមែន។រួចជំនាញបានប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី ៕
