រាជធានីភ្នំពេញ ៖ ប្រភពព័តិមានពីសាលាដំបូងរាជធានីភ្នំពេញបានអោយដឹងថា នៅព្រឹកព្រលឹមថ្ងៃទី ២៤ មិថុនា ឆ្នាំ២០១៩ មន្ត្រីអង្គភាពប្រឆាំងអំពើពុករលួយបានចាប់ខ្លួនឧកញ៉ា សុខ ប៊ុន និងមនុស្សជំនិតៗ៥នាក់ទៀតបញ្ជូនមកអយ្យការអមសាលាដំបូងរាជធានីភ្នំពេញ ដើម្បីធ្វើការសាកសួរ ពាក់ព័ន្ធករណីក្លែងលិខិតបន្លំយកដីរបស់ប្រជាពលរដ្ឋក្នុងសហគមន៏មួយនៅឯក្រុងព្រះសីហនុ។
ជនសង្ស័យទាំង៦នាក់ រួមទាំងឧកញ៉ា សុខ ប៊ុន ត្រូវបានបញ្ជូនឡើងទៅកាន់អយ្យការអមតុលាការដោយមានការការពារពីមន្ត្រី អង្គភាពប្រឆាំងអំពើពុករលួយ ប្រមាណ២០នាក់ ។
ឧកញ៉ា សុខ ប៊ុន ដែលល្បីល្បាញរឿងវាយស្រី ហើយត្រូវចាប់ញាត់គុកអស់មួយរយៈពេលខ្លីនោះ បច្ចុប្បន្នត្រូវបានចាប់ខ្លួនម្ដងទៀតបញ្ជូនមកតុលាការនៅព្រឹកថ្ងៃទី ២៤ មិថុនា ឆ្នាំ២០១៩ នេះ ហើយមតិសាធារណជនកំពុងតាមដានយ៉ាងយកចិត្តទុកដាក់ ៕
