អន្តរជាតិ ៖ សន្តិសុខត្រូវបានរឹតបន្តឹងនៅជុំវិញទីក្រុងបាងកក ហើយក្រុមមន្ត្រីថៃបាននិយាយថា កងកម្លាំងសន្តិសុខប្រហែល១ម៉ឺននាក់ត្រូវបានគេគ្រោងនឹងដាក់ពង្រាយ ដែលជាការគិតដល់ហេតុការណ៍កាលពី១០ឆ្នាំមុន នៅពេលដែលកិច្ចប្រជុំកំពូលអាស៊ី ត្រូវបានលុបចោលបន្ទាប់ពីក្រុមបាតុករប្រឆាំងរដ្ឋាភិបាលសម្រុកចូលក្នុងទីតាំងកិច្ចប្រជុំ ។
រដ្ឋាភិបាលថៃបានត្រៀមរៀបចំរួចរាល់សម្រាប់ការធ្វើជាម្ចាស់ផ្ទះក្នុងកិច្ចប្រជុំកំពូលអាស៊ាន ដែលនឹងត្រូវធ្វើឡើងនៅក្នុងទីក្រុងបាងកកនាចុងសប្តាហ៍នេះ។
គួរបញ្ជាក់ថា កិច្ចប្រជុំកំពូលអាស៊ានលើកទី៣៤នេះនឹងត្រូវធ្វើឡើងនៅថ្ងៃទី២២ និងទី២៣ ខែមិថុនា នៅក្នុងទីក្រុងបាងកក ដែលមានការចូលរួមពីមេដឹកនាំកំពូលទាំង១០ប្រទេសដូចជាថៃ, កម្ពុជា, វៀតណាម, ឡាវ, ឥណ្ឌូណេស៊ី, ម៉ាឡេស៊ី, ហ្វីលីពីន, មីយ៉ាន់ម៉ា, ព្រុយណេ និងសិង្ហបុរី។ មេដឹកនាំទាំងអស់នឹងពិភាក្សាអំពីបញ្ហាសំខាន់ៗមួយចំនួនក្នុងតំបន់ដែលរួមបញ្ចូលទាំងបញ្ហាកាកសំណល់ផ្លាស្ទិកនៅក្នុងមហាសមុទ្រ៕
