ភ្នំពេញ ៖ ផ្សារចាស់ដែលជាផ្សារ ចំណាស់ ស្ថិតនៅខណ្ឌដូនពេញ រាជធានីភ្នំពេញត្រូវបានអគ្គិភ័យ ឆាបឆេះស្ទើរតែទាំងស្រុង កាល ពីព្រឹកព្រលឹមថ្ងៃទី ២៤ ខែវិច្ឆិកា ឆ្នាំ២០១៤ ។ តាមព័ត៌មានជា ដំបូងបានអោយដឹងថា មានតូប ប្រមាណជាង ៣០០តូប ត្រូវ បានភ្លើងឆេះម៉ដ្ឋ ហើយបើតាម សេចក្តីរាយការណ៍ពីកន្លែងកើត ហេតុបានឱ្យដឹងថាភ្លើងឆេះរាល ដាលយ៉ាងលឿនដែលមានផ្សែង ហុយចេញយ៉ាងខ្មួលខ្មាញ់ដែល ការសន្និដ្ឋានដំបូងថាមកពីទុស្សេ ខ្សែ ភ្លើង ។
កម្លាំងពន្លត់អគ្គិភ័យច្រើន ស្ថាប័នបានចេញជួយអន្តរាគមន៍ ដោយបានបញ្ជូនរថយន្តពន្លត់ អគ្គិភ័យជាច្រើនគ្រឿង ទៅកាន់ កន្លែងកើតហេតុប្រមាណជា ម៉ោង ៩ កន្លះព្រឹក ទើបអគ្គិភ័យ ត្រូវបានពន្លត់ទាំងស្រុង ។
ទន្ទឹមនឹងនោះដែរ ក៏មានលេចឮព័ត៌មានអកុសលជាច្រើន ជុំវិញ ករណីឆេះផ្សារចាស់នេះ ទើបសាលារាជធានីភ្នំពេញបាន ចេញសេចក្តីបំភ្លឺដោយបដិសេធ ទៅនឹងសាធរណៈមតិដែលបាន លើកឡើងថា មានអ្នកលួចដុត ផ្សារ ដើម្បីធ្វើការអភិវឌ្ឍន៍ថ្មី ដោយហេតុអាជីវករមិនយល់ ព្រមដែលអគ្គិភ័យនេះ គឺបាន បណ្តាលមកពីការឆ្លងចរន្តអគ្គិ សនីទុស្សេខ្សែភ្លើងចេញពីតូប លេខ ០១ ចាស់ លក់ថង់ប្លាស្ទីក នៅក្បែរខ្លោងទ្វារចេញ-ចូល ខាងកើត ក្រោយតូបផ្លែឈើគឺ មិនដូចព័ត៌មានអកុសលនោះ ឡើយ ។
ទន្ទឹមនឹងនោះដែរ សាលារាជធានីភ្នំពេញក៏សូមអំពាវនាវ ដល់បណ្តាអ្នកសារព័ត៌មានឬអ្នក ប្រើប្រាស់បណ្តាញសង្គម មេត្តា កុំយកទុក្ខសោករបស់អាជីវករ ដើម្បីយកមកកេងចំណេញឬ មួលបង្កាច់មកលើអាជ្ញាធរមាន សមត្ថកិច្ចតាមរូបភាពផ្សេងៗ ៕
