ខេត្តកំពង់ធំ ៖ នារសៀលថ្ងៃអាទិត្យ ទី១៦ ខែមិថុនា ឆ្នាំ២០១៩ ឯកឧត្តមបណ្ឌិត ថោង ខុន រដ្ឋមន្រ្តីក្រសួងទេសចរណ៍ ប្រធានក្រុមការងារចុះជួយមូលដ្ឋានខេត្តកំពង់ធំ ប្រធានក្រុមការងារជួយស្រុកបារយណ៍ និងស្រុកតាំងគោក បានអញ្ជើញជាអធិបតីដ៏ខ្ពង់ខ្ពស់ក្នុងពិធីបញ្ចុះបឋមសិលានៅបឋមសិក្សាឧទុម្ពរ និងមានមន្រ្តីរាជការនិងប្រជាពលរដ្ឋ សិស្សានុសិស្សប្រមាណ៥០០នាក់ចូលរួម ស្ថិតនៅឃុំស្រឡៅ ស្រុកតាំងគោក ខេត្តកំពង់ធំ។
ថ្លែងក្នុងពិធីបញ្ចុះបឋមសិលាសាងសង់ ឯកឧត្តមបណ្ឌិត ថោង ខុន បានសន្យាមុនពេលបោះឆ្នោតជាតិថា និងសាងសង់អាគារសិក្សាមួយខ្នងមាន៦បន្ទប់ ទៅតាមសំណូមពររបស់ប្រជាពលរដ្ឋ នេះជាការពិតដែលគណះបក្សប្រជាជនកម្ពុជាតែហ៊ានថាហ៊ានធ្វើ ស្របពេលដែលកំណើនកូនចៅប្រជាពលរដ្ឋមានការកើឡើង ខ្វះខាតសាលារៀននិងបានចូលរៀនដើម្បីបន្តការសិក្សាអោយមានចំណេះដឹងខ្ពស់និងលើកកំពស់វិស័យអប់រំអោយមានគុណភាពនិងជួយកសាងប្រទេសជាតិ។ អាគារសិក្សាមួយខ្នងមាន៦បន្ទប់ដោយចំណាយថវិការចំនួន៦៣០០០ដុល្លា និងសាងសង់អោយរួចរាល់ក្នុងរយៈពេល៧ខែ ដែលជាអំណោយរបស់ឯកឧត្តមបណ្ឌិត ថោង ខុន ផ្ទាល់។ ដោយមានការពាំនាំពីសម្តេចតេជោ ហ៊ុន សែន ដល់បងប្អូនជនរួមជាតិ ខិតខំបង្ករបង្កើនផល និងដាំដុះ ដំណាំកសិកម្មនិងផ្គត់ផ្គង់អោយបាន និងនាំចេញទៅក្រៅប្រទេស និងប្រទេសជាមិត្ត។ ប្រទេសចិនបានទទួលទិញ៤០ម៉ឺនតោនក្នុងមួយឆ្នាំ។ រីឯវិស័យទេសចរណ៍បានជួយដល់ប្រជាជនបង្កើតការងារដល់ប្រជាពលរដ្ឋមានការងារធ្វើជិត១លាននាក់ និងនាំផលប្រយោជន៍ដល់ពលរដ្ឋខ្មែរបណ្តុះបណ្តាលកម្មករអោយមានជំនាញកំរិតខ្ពស់ចំនួន៤០ភាគរយ និងបន្តបណ្តុះបណ្តាល៦០ភាគរយបន្ថែមទៀត។ ស្របពេលប្រទេសជាតិមានសុខសន្តិភាពនិងការអភិវឌ្ឍន៍នៅឆ្នាំ២០៣០ ប្រជាពលរដ្ឋមានជីវភាពកំរិតខ្ពស់ ក្នុងមួយគ្រួសារ មានចំណូល១៥០០ដុល្លា។
ជាចុងបញ្ចប់ ឯកឧត្តមបានប្រគល់ថវិកាជូនលោកគ្រូអ្នកគ្រូក្នុងម្នាក់ទទួលបានប្រាក់ចំនួន៥ម៉ឺនរៀល សាលាបឋមសិក្សាចំននួ៥០ម៉ឺនរៀល សិស្សានុសិស្សសៀវភៅ២ក្បាលប៊ិច២ដើម និង តាជី យាយជីទទួលក្រម៉ាមួយនិងថ្នាំផ្តាសាយ2បន្ទះផងដែរ ៕ ដោយ តេច ឆេង
