រាជធានីភ្នំពេញ ៖ កាលពីថ្ងៃទី១៣ ខែមិថុនា ឆ្នាំ២០១៩ នៅវេលាម៉ោង២០និង១០នាទី មេញ្ជាការរងប៉េអឹម ខេត្តកំពង់ស្ពឺមួយរូប បានបើករថយន្តក្នុងស្ថានភាពស្រវឹងខ្លាំង បានបុករះម៉ូតូ៤គ្រឿង បណ្តាលឲ្យរបួសធ្ងន់មនុស្ស៤នាក់ ត្រង់ចំណុចភ្លើងស្តុបក្តាន់ពីរ ភូមិទី១០ លើមហាវិថីសហព័ន្ធរុស្សី ស្ថិតក្នុងសង្កាត់មិត្តភាព ខណ្ឌ៧មករា ។
តាមរបាយការណ៍របស់នគរបាល បានឲ្យដឹងថា រថយន្តបង្កម៉ាកលុចស៊ីស៤៧០ ពណ៌ខ្មៅ ពាក់ស្លាកលេខ ភ្នំពេញ 2K1668 បើកបរដោយជនមិនស្គាល់ឈ្មោះ ភេទប្រុស អាយុប្រហែលជាង៥០ឆ្នាំ មុខរបរ ជាមេញ្ជាការរងប៉េអឹម ខេត្តកំពង់ស្ពឺ បើកបរក្នុងស្តានភាពស្រវឹង មិនព្រមហការជាមួយសមត្ថកិច្ច និងមិនបានផ្តល់អាសយដ្ឋាន ដែលបានបើកបរថយន្តតាមបណ្តោយមហាវិថីសហព័ន្ធរុស្សី ទិសដៅពីកើតមកលិច បើកបញ្ច្រាសរបាំងពុះចែកទ្រូងផ្លូវ និងមិនឈប់ភ្លើងស្តុបបុករះម៉ូតូចំនួន៤គ្រឿង និងរងរបួសមនុស្សចំនួន៤នាក់ ប្រុសទាំងអស់ បញ្ជូនទៅសម្រាកព្យាបាលនៅគ្លីនិកហុងហាក់។
ចំពោះករណីខាងលើនេះ សមត្ថកិច្ចបានសហការប្រគល់ជូនទៅការិយាលយ័ចរាចរណ៍ក្រុង ទាំងអ្នកបើកបររថយន្តនិងម៉ូតូជនរងគ្រោះ ហើយប្រជាពលរដ្ឋរង់ចាំមើល តើច្បាប់អាចអនុវត្តន៏លើអ្នកធំបានដែរទេ?៕
