រាជធានីភ្នំពេញ ៖ ថ្ងៃទី១៣ មិថុនានេះ នៅវេលាម៉ោង៣រសៀល មានអគ្គីភ័យបានឆាបឆេះផ្ទះមួយខ្នងយ៉ាងសន្ធោសន្ធៅ នៅបណ្តោយផ្លូវជាតិលេខ៤៣០ កែងនឹងផ្លូវ៤៨០ នៅរង្វល់មូលផ្សារដើមថ្កូវ ក្នុងសង្កាត់ទួលទំពូងទី២ ខណ្ឌចំការមន ។ តាមប្រភពពត័មាន ទីតាំងដែលឆេះនោះ គឺជាកន្លែងលាងម៉ូតូ និងប្តូរប្រេងម៉ាស៊ីន។
អគ្គិភ័យបានរលត់ទៅវិញនៅវេលាម៉ោងប្រមាណ៤រសៀលថ្ងៃដដែលនេះ ដោយមានការអន្តរាគមន៍ពីរថយន្តពន្លត់អគ្គិភ័យ ប៉ុន្តែទំហំនៃការខូចខាតនិងមូលហេតុឆេះ នៅមិនទាន់មានការបញ្ជាក់នៅឡើយទេ នេះគឺជាពត័មានបថម៕
