ខេត្តប៉ៃលិន ៖ កម្លាំងនគរបាលខេត្តប៉ៃលិន ចាប់ឃាត់ខ្លួនជនសង្ស័យម្នាក់ ជាឃាតករសម្លាប់ស្មៀនឃុំសា លាក្រៅ និងប្រពន្ធកូន និងដុត ផ្ទះ ហើយជនសង្ស័យត្រូវជាបង ថ្លៃជនរងគ្រោះ កាលពីវេលា ម៉ោង ១និង៣០នាទី រសៀល ថ្ងៃទី២២ ខែវិច្ឆិកា ឆ្នាំ២០១៤។
គួររំលឹកផងដែរ កាលពី វេលាម៉ោង១និង៣០នាទីរំលង អធ្រាត្រឈានចូលថ្ងៃទី២១ ខែវិច្ឆិកា ឆ្នាំ២០១៤ មានករណី អំពើឃាតកម្មដ៏សាហាវយង់ ឃ្នងមួយកើតឡើង ឃាតកបាន វាយសម្លាប់ជនរងគ្រោះ៣នាក់ ឪពុកម្តាយកូនចងឱបគ្នារួចចាក់ សាំងដុតផ្ទះចោលដុតបំផ្លាញ ភស្តុតាងយ៉ាងអាណោចអាធ័ម នៅចំណុចភូមិអូរចិតប្រាំ ឃុំអូរ អណ្តូង ស្រុកសាលាក្រៅ ខេត្ត ប៉ៃលិន ។
ជនរងគ្រោះឈ្មោះ ហេង រ៉ាវី អាយុ ២៨ឆ្នាំ មុខរបរជា ស្មៀនឃុំសាលាក្រៅ(ប្តី),និង ឈ្មោះ ធី ផលឡៃ អាយុ២៤ឆ្នាំ (ប្រពន្ធ)និងឈ្មោះ ហេង ម៉េងជូ ភេទស្រី អាយុ៦ខែ (កូន) ។
លោក អ៊ីវ គឹមស៊ាន ស្នង ការរងកណ្តាលយុត្តិធម៌បានឱ្យ ដឹងថាបុរសសង្ស័យជាឃាតករ ឃាត់ខ្លួនមាន ឈ្មោះ ឆោម ចំណាន អាយុ ៣២ឆ្នាំ ត្រូវជា បងថ្លៃជនរងគ្រោះ(ប្រពន្ធនិង ប្រពន្ធជាបងប្អូនបង្កើត)ស្នាក់ នៅផ្ទះក្បែរគ្នាជាមួយជនរង គ្រោះ នៅចំណុចភូមិអូរ ៧៥ ឃុំអូរអណ្តូង ស្រុកសាលាក្រៅ ខេត្តប៉ៃលិន ។
លោកបានបន្តថា កាលពី ថ្ងៃទី២២ ខែវិច្ឆិកា ឆ្នាំ២០១៤ បន្ទាប់ពីលោក កើត សុធា អភិ បាលខេត្តបៃលិនដឹកនាំថ្នាក់ដឹក នាំខេត្តប៉ៃលិនជួយបូជាធ្វើ បុណ្យសពជនរងគ្រោះ សមត្ថ- កិច្ចបានស្រាវជ្រាវស៊ើបសួរទៅ មានការសង្ស័យលើឈ្មោះ ឆោម ចំណាន ជាបងថ្លៃជនរងគ្រោះ ដោយចម្លើយគេប្រាប់សមត្ថកិច្ច និងអ្នកយកព័ត៌មានមិនដូចចម្លើយ ប្រជាពលរដ្ឋប្រាប់នៅក្នុងយប់ កើតហេតុ ។ ពេលសមត្ថកិច្ច ហៅរូបជនសង្ស័យមកធ្វើការ សាកសួរបានបង្ហាញពីការភិត ភ័យស្លន់ស្លោរម្តង សុំទៅបត់ ជើង ម្តងសុំទៅហូបបាយ នៅ មិនសុខដើរចុះដើរឡើង ពេល សមត្ថកិច្ចជំនាញទូរស័ព្ទពីកន្លែង កើតហេតុបញ្ជាក់ប្រាប់សមត្ថ- កិច្ចសួរចម្លើយថាមានស្នាមវាយ គ្នានិងមានឈាមនៅក្រោយផ្ទះ កើតហេតុគឺគ្មាននរណាជាមុខ សញ្ញាក្រៅពីឈ្មោះ ឆោម ចំណាន ទេ ពេលនោះជនសង្ស័យឮបាន បោលបុកសមត្ថកិច្ចរត់ចេញក្រៅ បន្ទប់សួរចម្លើយទើបសមត្ថកិច្ច បាញ់គំរាមផ្លាតត្រូវជនសង្ស័យ ចំកំភួនជើងស្តាំចំនួន១គ្រាប់តែ ម្តង ។
ជនសង្ស័យឈ្មោះ ឆោម ចំណាន ជាឃាតករត្រូវជាបង ថ្លៃជនរងគ្រោះឈ្មោះ ហេង រ៉ាវី អាយុ២៨ឆ្នាំ ស្មៀនឃុំសា លាក្រៅបានសារភាពថា ការ សម្លាប់ជនរងគ្រោះផ្តាច់ពូជ ព្រោះក្រុមគ្រួសារជនរងគ្រោះ បានមើលងាយមើលថោកខ្លួន ជាច្រើនលើកពេលខ្ចីប្រាក់ម្តង ៤ម៉ឺន ទៅ ១០ម៉ឺនរៀល ស្តី បន្ទោសថាអាអន់អាថោក ។
នៅថ្ងៃកើតហេតុក្រោយ បាយជុំគ្នាខ្លួនបានដើរទៅក្រោយ ផ្ទះឃើញសត្វពស់លេបសត្វមាន់ រួចបានមកបបួលឈ្មោះ ហេង រ៉ាវី ត្រូវជាប្អូនថ្លៃទៅក្រោយឱ្យ មើល ។ ពេលកំពង់ដើររកមើល ខ្លួនយកដែកបំពង់ទីបវាយ ពី ក្រោយបន្ទាប់មកក៏យកខ្សែលួស រឹតកបន្ថែមពេលនោះជនរង គ្រោះបាត់មាត់មិនដឹងសន្លប់ឬ ស្លាប់ទេ បន្ទាប់មកក៏ដើរមក ហៅប្រពន្ធជនរងគ្រោះទៅមើល ប្តីសត្វពស់ចឹកនៅក្រោយផ្ទះ ពេលស្ត្រី- ឈ្មោះ ធី ផលឡៃ ជាប្រពន្ធស្មៀនឃុំទៅដល់រវល់ ឱនរកប្តីនិងសត្វពស់ខ្លួនបានយក បំពង់ទីបវាយពីក្រោយបណ្តាល អោយមាត់ដូចគ្នា ។
ក្រោយមកខ្លាចគេដឹងបាន អូសប្អូនស្រីមកក្នុងផ្ទះ ពេលនោះ ស្រាប់តែក្មួយស្រីឈ្មោះ ហេង ម៉េងជូ កំពុងដេកបានភ្ញាក់ស្រែក ខ្លួនក៏ខ្ទប់មាត់ច្របាច់កនិងច្រមុះ វារហូតដាច់ខ្យល់ហើយទៅយក សពស្មៀនឃុំមកទៀតចាក់សាំង ជុំវិញគ្រែរួចដុតឱ្យស្លាប់ឱ្យផុត ពូជតែម្តងដើម្បីបំបិតភស្តុតាង។
ជនសង្ស័យត្រូវបានសមត្ថ កិច្ចកំពុងរៀបចំសំណុំរឿងបញ្ជូន ទៅកាន់តុលាកានារសៀលថ្ងៃទី ២៣ ខែវិច្ឆិកា ឆ្នាំ២០១៤ ចាត់ ការតាមនីតិវិធីច្បាប់ ៕
