ខេត្តរតនគីរី ៖ នៅតាមតំបន់ដែលមានបទ ល្មើសសេដ្ឋកិច្ចកើតឡើង គេ សង្កេតឃើញថា អាជ្ញាធរមួយ ចំនួនតូច ដែលជាជនពុករលួយ តែងតែលួចបង្កើតកុងត្រូលជជុះ ដើម្បីគាបជម្រិតយកលុយច្រក ហោប៉ៅ ពីពួករកស៊ីបទល្មើស ដោយពុំខ្វល់ពីការបង្ក្រាបនោះ ឡើយ ទោះបីជារាជរដ្ឋាភិបាល បានខិតខំបង្ក្រាបកុងត្រូលជជុះ ដូចភ្លៀងរលឹមយ៉ាងណាក៏ ដោយក៏មិនសូវបានទទួលជោគ ជ័យប៉ុន្មានដែរ កុងត្រូលជជុះ នៅតែកើតមានរាប់ភ្លេចដោយ សារការធូររលុងរបស់សមត្ថកិច្ច មូលដ្ឋានក៏ដូចជា មន្ត្រីខ្លះ បែជា យកតួនាទីនិងភារកិច្ចរបស់ខ្លួន ទៅបង្កើតកុងត្រូលជជុះដោយ គ្មានការអនុញ្ញាតពីរដ្ឋាភិបាល បង្កការរំខានដល់ជីវភាពរបស់ ប្រជាពលរដ្ឋទៅវិញ ។
នៅខេត្តរតនគីរី ដែលមាន ភូមិសាស្ត្រជាប់ព្រំប្រទល់ប្រទេស វៀតណាម មានច្រករបៀងជា ច្រើនត្រូវបានឈ្មួញប្រើជាការ ឆ្លងកាត់ដឹកឈើប្រណីតទៅលក់ នៅប្រទេសវៀតណាម ទន្ទឹម នឹងនោះដែរ កុងត្រូលជជុះកើត ឡើងយ៉ាងអនាធិបតេយ្យគាប ជម្រិតប្រជាពលរដ្ឋក្រីក្រដែល ដឹកឈើបន្តិចបន្តួចតាមម៉ូតូយក ទៅលក់នៅប្រទេសវៀតណាម គ្រាន់បានកំរៃខ្លះចិញ្ចឹមជីវិត ។
តាមសេចក្តីរាយការណ៍ បានឱ្យដឹងថា នៅស្រុកអណ្តូង មាសត្រង់ចំណុចភូមិជាលឡេង និងវាលភ្នំទោសគេឃើញមាន កុងត្រូលជាច្រើនរីកដូចផ្សិត ដែលប្រជាពលរដ្ឋគាត់តែងតែ និយាយថា ជាកុងត្រូលជជុះ ហើយគេឃើញសមត្ថកិច្ចរង់ចាំ ជម្រិតទារប្រាក់ពីប្រជាពលរដ្ឋ ដែលដឹកឈើតាមម៉ូតូ ចេញពីទី រួមស្រុកអណ្តូងមាសទៅលក់ តាមច្រករបៀងកម្ពុជា-វៀតណាម ។
តាមប្រភពពីប្រជាពលរដ្ឋ បានឱ្យដឹងថាជារៀងរាល់ថ្ងៃពួក គាត់បានទៅទិញឈើធ្នង់ពីបង ប្អូនជនជាតិភាគតិចដែលសេស សល់បន្តិចបន្តួចពីការកាប់រាន ចំការចាស់ៗ យកទៅលក់នៅ ច្រករបៀងឱ្យវៀតណាម គ្រាន់ បានប្រាក់បន្តិចបន្តួចទិញអង្ករ ច្រកឆ្នាំង ក៏ប៉ុន្តែសព្វថ្ងៃនេះមាន សមត្ថកិច្ចបង្កើតកុងត្រូលជជុះ ច្រើនណាស់ ស្ទាក់ចាប់ជម្រិត ទារប្រាក់ពីពួកគាត់ដែលជា ប្រជាពលរដ្ឋក្រីក្រឡើងលាន អណ្តាតចំណែកពួកឈ្មញរកស៊ី ដឹកឈើតាមរថយន្តសេរីទំនើប បែជាមិនចាប់ទៅវិញ ។
បញ្ហាកុងត្រូលជជុះអនាធិបតេយ្យដែលកើតមានដូចផ្សិត គួរតែអង្គភាពប្រឆាំងអំពើពុក រលួយពិនិត្យមើលផង នូវពួក មន្ត្រីអសកម្មមួយចំនួនដែលកំពុង ធ្វើឱ្យប៉ះពាល់ដល់កិត្តិនាមរដ្ឋាភិបាល ៕
