ខេត្តកំពត ៖ ព្រះបាទសម្តេចព្រះបរម នាថ នរោត្តម សីហមុនី ព្រះ- មហាក្សត្រនៃព្រះរាជាណាចក្រ កម្ពុជា បានយាងសម្ពោធដាក់ អោយដំណើរការវិទ្យាល័យ ព្រះនរោត្តម សីហមុនី នៅខេត្ត កំពតកាលពីថ្ងៃទី ២០ ខែវិច្ឆិកា ឆ្នាំ២០១៤ ដោយ ព្រះករុណា ទ្រង់បានបង្ហាញនូវព្រះហប្ញទ័យ រីករាយចំពោះរាជរដ្ឋាភិបាល ដែលបានលើកស្ទួយវិស័យអប់រំ ឱ្យរីកចំរើន ។
ព្រះករុណាជាអម្ចាស់ជីវិត លើត្បូងមានព្រះរាជបន្ទូលថា ខ្ញុំព្រះករុណា ខ្ញុំមានសេចក្តីរីក រាយចំពោះគោលនយោបាយ របស់រាជរដ្ឋាភិបាលកម្ពុជាដែល បានលើកឡើងអំពីយុទ្ធសាស្ត្រ ចតុកោណ ក្នុងនោះមានការ លើកស្ទួយវិស័យអប់រំជាតិផង ដែរ ។
សម្តេចអគ្គមហាសេនាបតី តេជោ ហ៊ុន សែន ប្រមុខនៃរាជ រដ្ឋាភិបាលកម្ពុជា លោកបាន ដឹកនាំជំរុញការអភិវឌ្ឍន៍ប្រទេស ជាតិលើគ្រប់វិស័យ ពិសេស វិស័យអប់រំជាតិមានសន្ទុះរីក ចម្រើនយ៉ាងខ្លាំងក្លា ។
ព្រះមហាក្សត្រមានព្រះរាជ បន្ទូលទៀតថា ប្រទេសជាតិ មានការរីកចម្រើន អាស្រ័យ ដោយធនធានមនុស្សមានចំណេះ ដឹង និងបទពិសោធន៍ការងារ។ សាលារៀនជាថ្នាលសម្រាប់ បណ្តុះបណ្តាលធនធានមនុស្ស ដើម្បីបម្រើប្រទេសជាតិ ។
តាមប្រវត្តិសាស្ត្រពីដំណាក់ កាលមួយទៅដំណាក់កាលមួយ សង្គមខ្មែរយើងមានការស្ថាន ភាពរីកចម្រើនឡើងដោយបញ្ញា ញាណរបស់ប្រជាពលរដ្ឋពីមួយ ជំនាន់ទៅមួយជំនាន់ ។
ព្រះករុណាជាអម្ចាស់ជីវិត លើត្បូងមានព្រះរាជបន្ទូលថា ព្រះករុណា ព្រះមហាវីរក្សត្រ ព្រះវររាជបិតាជាតិខ្មែរ “ព្រះ ករុណា ព្រះបរមរតនកោដ្ឋ” កាលពី ព្រះអង្គនៅគង់ព្រះជន្ម និងសម្តេចព្រះមហាក្សត្រី ព្រះវរ រាជមាតាជាតិខ្មែរជាទីសក្ការៈដ៏ ខ្ពង់ខ្ពស់បំផុតព្រះអង្គតែងតែចូល រួមជាមួយរាជរដ្ឋាភិបាលកម្ពុជា បានប្រោសព្រះរាជទានកសាង អគារសិក្សានៅតាមសាលារៀន នានាជាច្រើនកន្លែងរហូតដល់ ជនបទទូទាំងប្រទេសសម្រាប់ យុវជន យុវនារី និងកុមារា កុមារី ជាកូនចៅ ចៅទួតរបស់ ព្រះអង្គសិក្សារៀនសូត្របង្កើន ចំណេះដឹង ។
ព្រះករុណាជាអម្ចាស់ជីវិត លើត្បូងមានព្រះរាជបន្ទូលថា ខ្ញុំព្រះករុណា ខ្ញុំសូមអបអរសាទរ ព្រះរាជពិធីសម្ពោធដាក់ឱ្យប្រើ ប្រាស់ “វិទ្យាល័យ ព្រះនរោត្តម សីហមុនី”សម្រាប់ទុកប្រើប្រាស់ ជាប្រយោជន៍សាធារណៈក្នុង វិស័យអប់រំជាតិតទៅ ។ ចាប់ ពីពេលនេះតទៅ ខ្ញុំសូមប្រគល់ វិទ្យាល័យនេះ ជូន ឯកឧត្តម រដ្ឋមន្ត្រីក្រសួងអប់រំ យុវជន និង កីឡា តំណាងរាជរដ្ឋាភិបាល កម្ពុជាគ្រប់គ្រងយ៉ាងណាឱ្យ ដំណើរការល្អជាប្រចាំសម្រាប់ សិស្សានុសិស្សខេត្តកំពត ខេត្ត តាកែវបានរៀនសូត្រតទៅ ។ ខ្ញុំសង្ឃឹមថា គណៈកម្មការ ទ្រទ្រង់សាលានិងបងប្អូនប្រជា ពលរដ្ឋនៅតំបន់នេះនឹងចូលរួម ថែរក្សាវិទ្យាល័យនេះឱ្យបានល្អ ប្រសើរ ។
របាយការណ៍របស់គណៈ កម្មការសាងសង់ឱ្យដឹងថា ជា ទូទៅព្រះសមិទ្ធផលនៅវិទ្យា ល័យ ព្រះនរោត្តម សីហមុនី មានគ្រប់ហេដ្ឋារចនាសម្ព័ន្ធអប់រំ កាយ និងកីឡា ដោយបាន ចំណាយថវិកាអស់ចំនួន ២.៣ ៨៩.៨៦៦.២៣៤រៀល ដែលក្នុង នោះមានព្រះរាជទ្រព្យរបស់ព្រះ ករុណាជាអម្ចាស់ជីវិតលើត្បូង ចំនួនជាង២.០០០លានរៀល។
វិទ្យាល័យ“ព្រះនរោត្តម សីហមុនី”ស្ថិតនៅភូមិឈើទាល ឃុំម្រោម ស្រុកអង្គរជ័យ សាង សង់លើផ្ទៃដីប្រមាណជា ១១ ហិកតាមានអគារសិក្សាជាច្រើន បំពាក់ ដោយសម្ភារៈឧបទ្ទេស សិក្សាសម្រាប់សិស្សនិងសាស្ត្រា ចារ្យ មានតបណ្តាញអគ្គិសនី និង បណ្តាញទឹកស្អាតចូលគ្រប់ បន្ទប់ មានអគារការិយាល័យ បន្ទប់បណ្ណាល័យ បន្ទប់កុំព្យូទ័រ បន្ទប់ពិសោធន៍ ។
ចំណែកសំណង់អគារសា លាបឋមសិក្សាឈើទាល បាន សាងសង់រួចហើយ មានអគារ សិក្សាមានបំពាក់សម្ភារឧបទ្ទេស មាន តបណ្តាញអគ្គិសនីទឹកគ្រប់ បន្ទប់សិក្សាមានអគារទីចាត់ការ បណ្ណាល័យ មានបន្ទប់អនាម័យ ៕
