បន្ទាយមានជ័យ ៖ កាលពីថ្ងៃទី២៥ ខែឧសភា ឆ្នាំ២០១៩ ឃាត់មេក្លោងជាជនជាតិចិនចំនួន២នាក់ ព្រមទាំងបានរំដោះចំណាប់ខ្មាំងជាជនជាតិចិនដូចគ្នាចំនួន ៤នាក់ផងដែរ ក្រោយកម្លាំងនគរបាលបើកប្រតិបត្តិការបង្ក្រាប ករណីចាប់បង្ខាំងជំរិតទារប្រាក់ដ៏ធំមួយនៅក្រុងប៉ោយប៉ែត ខេត្តបន្ទាយមានជ័យ ។
លោកឧត្តមសេនីយ៍ផ្កាយ៣ ជា ពៅ បានបញ្ជាក់ប្រាប់សារព័ត៌មានក្នុងស្រុកថា កាលពីនៅថ្ងៃទី២៤ ខែឧសភា ឆ្នាំ២០១៩ កម្លាំងនាយកដ្ឋានប្រឆាំងបទល្មើសបច្ចេកវិទ្យា បានទទួលពាក្យបណ្តឹងពីជនជាតិចិនឈ្មោះ ZHANG JIANZHONG ភេទប្រុស អាយុ៥៤ឆ្នាំ មុខរបរបុគ្គលិកសិប្បកម្មផលិតស័ង្កសី កាន់លិខិតឆ្លងដែនលេខ E09687514 លើបទល្មើសមួយនេះ។
បន្ទាប់មកកម្លាំងជំនាញបានសហការបើកការស៊ើបអង្កេត និងបំបែកសំណុំរឿងចាប់ជំរិតទារប្រាក់ដ៏ធំមួយ ដោយបង្ខាំងជនរងគ្រោះនៅផ្ទះជួលមួយកន្លែង នៅភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។ ជាលទ្ធផល កម្លាំងបានរំដោះចំណាប់ខ្មាំងចំនួន៤រូប ដោយសុវត្ថិភាព និងចាប់បានមេក្លោង ២រូប។ តាមព័ត៌មានទទួលបានការបង្ក្រាបនោះធ្វើឡើងកាលពីថ្ងៃទី២៥ ខែឧសភា ឆ្នាំ២០១៩កន្លងទៅនេះ ។
ជនសង្ស័យឃាត់ខ្លួនទី១ ឈ្មោះ Wang Daodong ជនជាតិចិន ភេទប្រុស ៤៩ឆ្នាំ កាន់លិខិតឆ្លងដែនលេខ
E076741755 និងទី២ ឈ្មោះ JIANG FENG អាយុ៣៨ឆ្នាំ មិនមានលិខិតឆ្លងដែន។
ដោយឡែកជនរងគ្រោះរួមមាន៖
*ទី១៖ ឈ្មោះ Zhang Dongwei ជនជាតិចិន ភេទប្រុស កាន់លិខិតឆ្លងដែនលេខ EG2553324
*ទី២៖ ឈ្មោះ Li xuelin, អាយុ៥៦ឆ្នាំ កាន់ លិខិតឆ្លងដែនលេខ EC5759699
*ទី៣៖ ឈ្មោះ CUI XIAOBO អាយុ៣៥ឆ្នាំ កាន់លិខិតឆ្លងដែនលេខ EC2910391
*ទី៤៖ ឈ្មោះ LI WEN ZHENG អាយុ៣៨ឆ្នាំ៕
