ភ្នំពេញ ៖ សម្តេចអគ្គមហាសេនាបតី តេជោ ហ៊ុន សែន បានមានប្រ- សាសន៍ថា សូមអោយប្រយ័ត្ន ប្រយែងពាក្យសម្តី ព្រោះគ្មាន ការរំលោភលើកិច្ចព្រមព្រៀង រវាងគណបក្សនយោបាយទាំង ពីរដែលមានអាសនៈនៅក្នុងរដ្ឋ សភាទេ ។ បន្ទាប់ពីមានការ ចោទប្រកាន់ថាគណបក្សប្រជា ជនកម្ពុជា និងរដ្ឋាភិបាលបាន រំលោភលើកិច្ចព្រមព្រៀងនៅ ក្នុងពិធីប្រគល់សញ្ញាបត្រដល់ និស្សិតថ្នាក់បរិញ្ញាបត្ររង បរិ- ញ្ញាបត្រនិងបរិញ្ញាបត្រជាន់ខ្ពស់ នៃសាកលវិទ្យាល័យ ីជី នៃ បច្ចេកវិទ្យាចំនួន ១២១០ នាក់ កាលពីថ្ងៃទី ២០ ខែវិច្ឆិកា ឆ្នាំ ២០១៤ នៅវិទ្យាស្ថានជាតិអប់រំ។
សម្តេចនាយករដ្ឋមន្ត្រីថ្លែង ថា នេះគ្រាន់តែជាការជូនសារ ដោយស្មោះត្រង់ដែលចៀសវាង ប្រទូសរាយ កុំចោទគណបក្ស ប្រជាជនកម្ពុជាហើយក៏កុំចោទ រាជរដ្ឋាភិបាលដោយសារតែ គណបក្សប្រជាជនកម្ពុជានិង រាជរដ្ឋាភិបាលមិនមានសិទ្ធិនោះ ហើយ ទើបតុលាការមានសិទ្ធិ យើងក៏មិនអាចប្រឆាំងបានដែរ ។ ដំណើរការអ្វីៗអោយវាទៅតាម ច្បាប់ ។
ទន្ទឹងនឹងប្រជាធិបតេយ្យក៏ ត្រូវពង្រឹងនិតិរដ្ឋដែរ យើងមិន អាចអត់ឱនឱ្យបានទេ អំពីរឿង បិទផ្លូវ គឺដល់ពេលវេលាដែល អាជ្ញាធរមានសមត្ថកិច្ចចាត់ការ ហើយ ។
សម្តេចតេជោថ្លែងបន្តថា ខ្ញុំជាអ្នកចរចា ហើយនៅថ្ងៃចរ ចានោះ មានការស្នើសុំឱ្យនៅ ក្រៅឃុំ ខ្ញុំបានប្រាប់ ឯកឧត្តម សម រង្ស៊ី និងគណៈប្រតិភូរបស់ គាត់ថា សុំជម្រុញល្បឿននៃរដ្ឋ ប្បវេណីដើម្បីបង្អាក់ព្រហ្មទណ្ឌ ។ ហេតុអ្វី បានជាខ្ញុំនិយាយដូច្នេះ ព្រោះថាឥឡូវយើងបានឯកភាព គ្នាហើយដើម្បីចូលសភា បើអ៊ី ចឹងចូលសភាចូលឱ្យវាលឿនទៅ ដើម្បីយកអភ័យឯកសិទ្ធិនេះ ហើយគេហៅថា ដំណើរការ តាមរដ្ឋប្បវេណីបង្អាក់ព្រហ្ម ទណ្ឌ ។ ករណីឯកឧត្តម កឹម សុខា ខ្ញុំបានប្រាប់ថា ឯកឧត្តម មានជម្រើសពីរ គឺជម្រើសទី១- ចូលស្បថបានរហ័ស ឯជម្រើស ទីពីរ សុំពន្យារពេលចូលតុលា ការ ពីព្រោះតុលាការគេកោះ ហៅដែរ ។ ដូច្នេះពេលនោះ យើងបានប្រឹងប្រែងគ្រាន់តែ ធានាឱ្យនៅក្រៅឃុំតែប៉ុណ្ណោះ។
សម្តេចតេជោ បន្តទៀតថា មិនអាចបញ្ចប់រឿងក្តីនេះបានទេ រឿងចាប់ខ្លួនអ្នកណាមួយខាងន គរបាល និងតុលាការគេធ្វើ កោសល្យវិច័យទៅលើរូបភាព ហើយខ្ញុំបានប្រាប់ ឯកឧត្តម សម រង្ស៊ី ច្បាស់នៅក្នុងសភា ព្រោះ ឯកឧត្តម សម រង្ស៊ី គាត់តែងតែ ព្យាយាមមកជួបខ្ញុំ ។ ឯកឧត្តម រឿងនេះ ខ្ញុំមិនអាចធ្វើអ្វីបានទេ ដំណើរការមានតែតាមក្រឹត្យ ក្រមរបស់វាបើសិនជាតុលាការ សម្រេចឱ្យនៅក្រៅឃុំវាជាភ័ព្វ សំណាង ប៉ុន្តែបើសិនជាគេមិន ឱ្យនៅក្រៅឃុំ ហើយគេកាត់ ទោស យកល្អ ឯកឧត្តម កុំប្តឹងឧទ្ធរណ៍ដើម្បីឱ្យសាលក្រមចូល ស្ថានពរដល់សាលក្រមចូលស្ថាពរ ហើយខ្ញុំមានឱកាសសុំព្រះរាជ ទានទោសនៅពេលណាក៏បាន។
សម្តេចតេជោ នាយករដ្ឋមន្ត្រីគូសបញ្ជាក់ថា ឥឡូវមក ចោទថា រាជរដ្ឋាភិបាលប្រើ ប្រាស់ឧបករណ៍ ដើម្បីបង្ក្រាបបក្សប្រឆាំងឬចាប់គេធ្វើចំណាប់ ខ្មាំង ។ ខ្ញុំសូមផ្តាំត្រឡប់ទៅវិញ ដោយសារតែនាយករដ្ឋមន្ត្រី ឬ រាជរដ្ឋាភិបាលគ្មានសិទ្ធិទៅលី តុលាការហឹងហើយបានជាមាន រឿងហ្នឹង ។ បើសិនជាខ្ញុំអាច និយាយថា តុលាការកុំចាប់វា មិនស្រួល ។ សភាពការណ៍កំពុង តែស្រួលអីចឹងឯកឧត្តម សម រង្ស៊ី និងលោកជំទាវទៅចូលរួមអុំទូក ជាមួយគ្នាឈរនិយាយគ្នាតាំងពី ការផ្គូរផ្គងទូកថា ឆ្នាំក្រោយ គាត់ធ្វើទូកមួយអុំប្រណាំងគ្នា កំពុងតែស្រួលៗអីចឹងបើនាយក រដ្ឋមន្ត្រីវាមានសិទ្ធិនាយករដ្ឋមន្ត្រី ចង់ការពារបរិយាកាសសុខស្រួល មិនមែនចង់ឱ្យមានរឿងទេ ។
ប្រហែលជានាយករដ្ឋមន្ត្រី នៅលើលោកនេះក៏ត្រូវការនូវ សុវត្ថិភាព សន្តិភាព និងការ បង្រួបបង្រួមដែរ ដើម្បីងាយ ស្រួលក្នុងការអភិវឌ្ឍប្រទេស ។ ប៉ុន្តែដោយសារតែនាយករដ្ឋមន្ត្រី និងរាជរដ្ឋាភិបាលវាគ្មានសិទ្ធិ បញ្ជាតុលាការហ្នឹងហើយ បាន វាមានេរឿងតុលាការគេចាប់ នោះ បើខ្ញុំមានសិទ្ធិខ្ញុំបញ្ជាទៅ តុលាការឱ្យគេដោះថ្ងៃនេះក៏បាន ដែរ ប៉ុន្តែវាអត់មានសិទ្ធិ ។
ឯកឧត្តម សម រង្ស៊ី សរសេរសំបុត្រមក ឯកឧត្តម ស ខេង ហើយ ឯកឧត្តម ស ខេង សរសេរទៅឯកឧត្តម អង្គ វង្សវឌ្ឍនា ដែលឆ្លើយទៅវិញថា នេះជានីតិ វិធីតុលាការ ។
កិច្ចព្រមព្រៀងរវាងគណបក្សទាំងពីរនៅថ្ងៃទី ២២ ខែ កក្កដា ឆ្នាំ២០១៤ មិនមែនជា កិច្ចព្រមព្រៀងបញ្ចប់នូវដំណើរ ការរបស់តុលាការទៅលើរឿង ក្តីទាក់ទងនឹងរឿងព្រហ្មទណ្ឌទេ ហើយក៏មិនមែនជាកិច្ចព្រមព្រៀង ពន្លត់បណ្តឹងអាជ្ញាដែរ ។
សូមមើលកិច្ចព្រមព្រៀងឱ្យ ច្បាស់ បើមើលមិនច្បាស់ខ្ញុំជូន ឯកសារហើយនៅលើពិភពលោក នេះក៏អត់មានកិច្ចព្រមព្រៀង នយោបាយណាគ្របដណ្តប់នៅ លើដំណើរការរបស់តុលាការ លើរឿងក្តីក្នុងរឿងព្រហ្មទណ្ឌដែរ ៕
