ខេត្តកោះកុង ៖ តាមប្រភពពីព័ត៌មានមួយ បានឱ្យដឹងថា មានសង្វៀនជល់ មាន់មួយកន្លែង ស្ថិតនៅភូមិ អំព្រាវ ឃុំអំព្រាវ ស្រុកស្រែ អំបិល ខេត្តកោះកុង ដែលជាប់ ព្រំប្រទល់ប៉ុស្តិ៍រដ្ឋបាលនគរបាល ស្ទឹងឆាយ ស្រុកកំពង់សិលា ខេត្តព្រះសីហនុខាងលិចថ្នល់ ប៉ុស្តិ៍រដ្ឋបាលនគរបាលស្ទឹងឆាយ តែម្តង បានលួចបើកលេងជា យូរខែមកហើយ ដោយពួកគេ លេងជារៀងរាល់ថ្ងៃសៅរ៍ ហើយជល់ភ្នាល់មួយគូរ ចាប់ពី ៤៥.០០០០រៀល ទៅ ១លាន រៀល ក្នុងមួយគូរ ។
ប្រភពព័ត៌មានខាងលើឱ្យ ដឹងទៀតថា ម្ចាស់សង្វៀនជល់ មាន់មួយរូបនោះជាមន្ត្រីប៉ូលិស ប៉ុស្តិ៍រដ្ឋបាលនគរបាលអំព្រាវ ទៀតផង ! ការជល់មាន់នោះ ចាប់ពីម៉ោង ៨និង៣០នាទីព្រឹក រហូតដល់ម៉ោង ២ ឬ ៣ ល្ងាច ទើបឈប់ជល់ ហើយបើគិតជា រាប់គូរវិញមិនក្រោមពី ២០គូរ ទេ ! ហើយសង្វៀនជល់មាន់ ខាងលើក៏មានមន្ត្រីប៉េអឹមចំការ ដូងប្រេងម្នាក់ជាអ្នកកាងសង្វៀន ជល់មាន់ខាងលើនោះទៀតផង ដែរ ។
សង្វៀនល្បែងជល់មាន់គេ ឃើញមានភ្ញៀវកិត្តិយសចូលរួម ជាច្រើនរួមមានមន្ត្រីប៉ូលិសនិង មន្ត្រីប៉េអឹមជាច្រើនរូបដែលចូល ទៅភ្នាល់ជល់មាន់ចាក់ក្នុងមួយ គូរៗ រាប់រយដុល្លារទៀតផង ។ មានអ្នកខ្លះចាញ់អស់ម៉ូតូ រហូត ដល់បញ្ចាំ ប្លង់ស្រែ ប្លង់ផ្ទះ សម្បែងនិងប្រើអំពើហិង្សាដល់ ក្នុងគ្រួសារទៀតផង ។
ស្ត្រីម្នាក់បាននិយាយប្រាប់ អ្នកសារព័ត៌មានថា តាំងពីមាន ការបើកលេងល្បែងជល់មាន់ថ្ងៃ ណាមក ក្នុងទឹកដីស្ទឹងឆាយ កើតមានអំពើចោរកម្ម លួចម៉ូតូ គាស់ផ្ទះសម្បែងប្រជាពលរដ្ឋ ក្នុងភុមិស្ទឹងឆាយ ដែលជាប់ព្រំ ប្រទល់ប៉ុស្តិ៍រដ្ឋបាលអំព្រាវដែល ជាទីតាំងប្រជល់មាន់ខាងលើ ជារៀងរាល់យប់មិនដែលខាន ទេ ។
ស្ត្រីមួយរូបនោះក៏បានទៅ ដល់កន្លែងប្រជល់មាន់ខាងលើ ក្នុងដីអាកាសស្យាមួយកន្លែងក៏ បានជួបលោកមេប៉ុស្តិ៍រដ្ឋបាល នគរបាលស្ទឹងឆាយ ប៉ុន្តែមេប៉ុស្តិ៍ បានប្រាប់ថា សង្វៀនជល់មាន់ ខាងលើ ស្ថិតក្នុងទឹកដីស្រុកស្រែ អំបិលហេតុដូច្នោះគាត់គ្មានសិទ្ធិ បង្ក្រាបទេ ! លុះត្រាណាខាង ស្រុកស្រែអំបិលគេហៅចូលរួម ទើបគាត់ហ៊ានទៅបង្ក្រាប ។
ស្ត្រីរស់នៅស្ទឹងឆាយមួយ រូបនោះបាននិយាយថាតើគោល នយោបាយភូមិ-ឃុំមានសុវត្ថិ ភាព ទាំង ៩ចំណុច នោះ បាត់ អស់ទៅណាហើយ ?
ជាចុងក្រោយស្ត្រីខាងលើ សូមឱ្យមេប៉ុស្តិ៍ដែលជាប់ព្រំទល់ ទាំងពីរ និង អធិការស្រុកស្រែ អំបិល ខេត្តកោះកុង ឬអធិការ ស្រុកកំពង់សិលាខេត្តព្រះសីហនុ កុំឆ្លើយដាក់គ្នាទៅវិញទៅមកអី សូមមើលគោលនយោបាយភូមិ ឃុំម៉ានសុវត្ថិភាពខាងលើដែល ក្រសួងមហាផ្ទៃដាក់ឱ្យអនុវត្ត មានប្រសិទ្ធភាពផងចុះ! កុំឱ្យតែ បានលុយដាក់ហោប៉ៅខ្លួនឯង ភ្លេចជួយគិតដល់សន្តិសុខសង្គម ប្រទេសជាតិនោះ ៕
ដោយៈ នាគក្រហម
