ខេត្តបន្ទាយមានជ័យ ៖ កងរាជអាវុធហត្ថខេត្តបន្ទាយមានជ័យចេញប្រតិបត្តការ ក្របួចស្ទាក់ចាប់បាន ជនសង្ស័យពីរនាក់ ដែលនាំយកគ្រឿងញៀនប្រភេទមេតំហ្វេតាមីនICE ១៩៩២ក្រាម និងគ្រឿងញៀនមេតំហ្វេតាមីនWYចំនូន៥១១២២គ្រាប់ ស្នើនិង៥២៤០,៥ក្រាម ចូលមកកម្ពុជា ។
នារសៀលថ្ងៃទី២៧ ខែមេសា ឆ្នាំ២០១៩នេះ លោកមាស ច័ន្ទពិសិដ្ឋ ព្រះរាជាអាជ្ញាអមសាលាដំបូងខេត្តបន្ទាយមានជយ័ លោកឧត្តមសេនីយ៍ត្រី បោន ប៉ិន មេបញ្ជាការអាវុធហត្ថខេត្ត បានត្រួតពិនិត្យវត្ថុតាងជាគ្រឿងញៀន និងសាកសួរព័ត៌មានបន្ថែម ពីជនសង្ស័យចំនួន២នាក់ នៅទីបញ្ជាការអាវុធហត្ថខេត្តបន្ទាយមានជ័យ ។
លោកឧត្តមសេនីយ៍ បោន ប៉ិន មេបញ្ជាការអាវុធហត្ថខេត្ត បានប្រាប់អោយដឹងថា ករណីឃាត់ចាប់បាន គ្រឿងញៀន ខាងលើ កម្លាំងអាវុធហត្ថរបស់យើងបានធ្វើការស្រាវជ្រាវយ៉ាងម៉ត់ចត់ នឹងតាមបញ្ជាពីនាយឧត្តមសេនីយ៍ សៅ សុខា ធ្វើយ៉ាងណាត្រូវទប់ស្កាត់ បង្ក្រាបអោយខាងតែបាន ទើបកម្លាំងយើងចុះទាន់សភាពការណ៌ភ្លាមៗ ។ លោក បោន ប៊ិន បញ្ជាការអាវុធហត្ថខេត្តបន្ទាយមានជយ័ បន្តថា ជនសង្ស័យទាំង២នាក់នេះ កម្លាំងយើងបង្ក្រាបនិងឃាត់ខ្លួន ទី១ ឈ្មោះ ភុងចាន់ សេកសាន់ ភេទប្រុស អាយុ៣២ឆ្នាំ ជនជាតិថៃ រស់នៅភូមិ១ សង្កាត់-ក្រុងវ្វ៉ាងណាំយេន ខេត្តស្រះកែវ ប្រទេសថៃ និងទី២ ឈ្មោះ អាត់ សំរេច ភេទប្រុស អាយុ៣៧ឆ្នាំ នៅភូមិក្បាលស្ពាន សង្កាត់ប៉ោយប៉ែត ក្រុងប៉ោយប៉ែត។
លោកមេបញ្ជាការបន្ថែមទៀតថា ករណីប្រតិបត្តិការណ៌បង្ក្រាបនេះ នៅល្ងាចថ្ងៃទី ២៦ ខែមេសា ឆ្នាំ២០១៩ នៅចំណុចភូមិទួលពង្រ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ៕
