ខេត្តបាត់ដំបង ៖ដោយមានការចង្អុលបង្ហាញពីឯកឧត្តម ឧត្តមសេនីយ៍ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង នៅថ្ងៃទី ២១ ខែមេសា ឆ្នាំ២០១៩ វេលាម៉ោង១៥,១០នាទី នៅចំណុចភូមិគីឡូ១៣ ឃុំសន្តិភាព ស្រុកសំពៅលូន ខេត្តបាត់ដំបង កម្លាំងអធិការដ្ឋាននគរបាលស្រុកសំពៅលូន ដឹកនាំដោយលោកវរសេនីយ៍ឯក ពេជ្រ សារ៉ែន បានដឹកនាំកម្លាំងជំនាញ ចុះបង្ក្រាបករណីជួញដូរចែកចាយ គ្រឿងញៀនហាមឃាត់ខុសច្បាប់ និងបានធ្វើការ ឃាត់ខ្លួនជនសង្ស័យចំនួន ០១នាក់ ឈ្មោះ ឌុំ វ៉ាន់នី ភេទប្រុស អាយុ២៤ឆ្នាំ មានទីលំនៅ ភូមិឈើទាល ឃុំសិរីមានជ័យ ស្រុកសំពៅលូន ខេត្តបាត់ដំបង។ កម្លាំង ជំនាញ ធ្វើការដកហូតវត្ថុតាង ថ្នាំញៀនយ៉ាម៉ាចំនួន ៨០គ្រាប់ , ថ្នាំញៀនម៉ាទឹកកកចំនួន ០២ ថង់ , ទូរស័ព្ទដៃចំនួន ០១ គ្រឿង ។
យោងតាមចម្លើយសារភាពរបស់ឈ្មោះ ឌុំ វ៉ាន់នី និងមានការអនុញ្ញាតពីលោក នួន សាន ព្រះរាជអាជ្ញា នៃអយ្យការសាលាដំបូងខេត្តបាត់ដំបង នៅថ្ងៃខែឆ្នាំដដែល វេលាម៉ោង ១៦:៣៥ នាទី កម្លាំងជំនាញបានបន្តបង្ក្រាប បានចំនួន ០១ករណីបន្ថែមទៀត នៅចំណុច ភូមិស្ពានយោល ឃុំជ្រៃសីម៉ា ស្រុកសំពៅលូន ខេត្តបាត់ដំបង និង ឃាត់ខ្លួនជនសង្ស័យចំនួន ០១នាក់ទៀត ឈ្មោះ ឡឹប ញ៉ក់ ភេទប្រុស អាយុ ៣៩ឆ្នាំ មានទីលំនៅភូមិស្ពានយោល ឃុំជ្រៃសីមា ស្រុកសំពៅលូន ខេត្តបាត់ដំបង ដកហូតវត្ថុតាង ថ្នាំញៀនយ៉ាម៉ា ចំនួន ៣០គ្រាប់ និងទូរស័ព្ទដៃ ចំនួន ០១ គ្រឿង ។
ជនសង្ស័យ និងវត្ថុតាង សមត្ថកិច្ច កំពុងកសាងសំណុំរឿង បញ្ជូនទៅសាលាដំបូងខេត្តបាត់ដំបង ចាត់ការតាមនីតិវិធីច្បាប់ ។ លោកវរសេនីយ៍ឯក ពេជ្រ សារ៉ែន បានប្រាប់អ្នកសារព័ត៌មានយើងឱ្យដឹងថា ជនសង្ស័យឈ្មោះ ឡឹប ញ៉ក ធ្លាប់ជាប់ពន្ធនាគាមួយលើករួចមកហើយ ដោយករណីមិនរាងចាល នៅតែប្រព្រឹត្តប
ន្ត ។ លោកបានបន្តទៀតថា ដើម្បីភូមិឃុំមានសុវត្ថិភាព លោកតែងតែបង្ក្រាបរាល់បទល្មើសដូចភ្លៀងរលឹម៕ អឿន ឡែន
