ខេត្តកណ្តាល ៖ តាមប្រភពព័ត៌មានបានឱ្យ ដឹងថា ប្រជាពលរដ្ឋក្រុងតាខ្មៅ និងស្រុកស្អាងខេត្តកណ្តាលមាន ការព្រួយបារម្ភពីការបាក់ច្រាំង ទន្លេបាសាក់ ដោយបច្ចុប្បន្ននេះ គេឃើញថា សព្វថ្ងៃសកម្មភាព បូមខ្សាច់យ៉ាងអនាធិបតេយ្យ របស់ក្រុមឈ្មួញធំៗដុះស្លែប្រចាំ ខេត្តកណ្តាល បាននិងកំពុងយក ឈ្មោះនិងអំណាចមកប្រើប្រាស់ ធ្វើសកម្មភាពឱ្យក្រុមឈ្មួញយក ទូក និងសាឡង់ធំៗមកបញ្ឈរ នៅឈមនិងទន្លេបាសាក់ដែល មានចំណុះរាប់ពាន់តោន ដើម្បី ធ្វើសកម្មភាពបូមខ្សាច់យកទៅ លក់តាមដេប៉ូនៅចំណុចភូមិព្រៃ លៀវ ឃុំរកាខ្ពស់ និងភូមិព្រៃ វែងភូមិលេខមួយ ឃុំស្វាយរលំ បណ្តោយផ្លូវលេខ ១១ៅ និង លេខ ២១ព ក្នុងស្រុកស្អាង ។
ចំណែក ក្នុងក្រុងតាខ្មៅ យកចំណុចភូមិដើមមៀន សង្កាត់ ដើមមៀន និងភូមិព្រែក សំរោង សង្កាត់តាខ្មៅ ក្រុងតាខ្មៅ ខេត្ត កណ្តាល ចំពោះត្រើយខាងកើត វិញមានដេប៉ូលក់នៅចំណុចភូមិ កោះក្របី សង្កាត់ព្រែកថ្មី ខណ្ឌ មានជ័យ ក្រុងភ្នំពេញ ។
ក្រុមឈ្មួញបូមខ្សាច់ដែល គេអះអាងថាមានខ្នងបង្អែកជា ខ្សែស្រឡាយកូនចៅអ្នកធំ ទើប អាចបូមខ្សាច់បានដោយរលូន ដោយពុំមានអាជ្ញាធរណាហ៊ាន ប៉ះពាល់កំពុងធ្វើសកម្មភាពបូម ខ្សាច់យ៉ាងអនាធិបតេយ្យចំណុច នៅក្នុងភូមិក្បាលកោះពន្លា ឃុំ កោះពន្លា និងក្បាលកោះគរក្នុង ភូមិកោះគរ ឃុំរការខ្ពស់ និង ភូមិកោះអន្លង់ចិន ឃុំកោះអន្លង់ ចិន ស្រុកស្អាង ។ ចំណែកក្នុង ចំណុចក្រុងតាខ្មៅមានក្នុងភូមិ ព្រែកសំរោង សង្កាត់តាខ្មៅ និងភូមិដើមមៀន សង្កាត់ដើម មាន ក្រុងតាខ្មៅ ខេត្តកណ្តាល ។
ប្រភពបានឱ្យដឹងទៀតថា សកម្មភាពរបស់ក្រុមឈ្មួញ បើ តាមការសង្កេតឃើញសង្ស័យពុំ មានច្បាប់ទម្លាប់អ្វីនោះទេ ក្នុង ការចុះមកធ្វើសកម្មភាពបូម ខ្សាច់នៅសងខាងទន្លេបាសាក់ ដោយគ្រាន់តែយកឈ្មោះ និង អំណាចរបស់អ្នកធំមកប្រើប្រាស់ និងគំរាមលើមន្ត្រីជំនាញពាក់ ព័ន្ធពិសេសចែកចាយលុយបន្តិច បន្តួចដល់មន្ត្រីអស់នោះទៅគឺចប់ សព្វគ្រប់ហើយ ។
ចំពោះករណីបូមខ្សាច់របស់ ឈ្មួញទាំងនោះ វាបង្កឱ្យមាន ការព្រួយបារម្ភយ៉ាងខ្លាំងដល់ ការរស់នៅរបស់ប្រជាពលរដ្ឋ តាមដងទន្លេបាសាក់អាចបង្កឱ្យ មានការបាក់ស្រុតច្រាំងទន្លេ ពិសេសដីចំការផលដំណាំផ្ទះ សំបែងរបស់ពួកគាត់ ។
ជាក់ស្តែងច្រាំងទន្លេបាសាក់ តែងតែមានការបាក់ស្រុត ជាលំដាប់ ដោយសារតែក្រុម ឈ្មួញដាក់បញ្ឈរសាឡង់ធំៗ បូមខ្សាច់យ៉ាងអនាធិបតេយ្យ ។
ពាក់ព័ន្ធនិងករណីរិះគន់ របស់ប្រជាពលរដ្ឋ គេពុំទាន់ ឃើញមានអាជ្ញាធរ ប្ញុមន្ត្រី ជំនាញណាចុះទៅហាមឃាត់ ប្ញុបង្ក្រាបទៅលើក្រុមឈ្មួញបូម ខ្សាច់ទាំងនោះឡើយ ។ ប្រជា ពលរដ្ឋសំណូមពរសុំដល់លោក រដ្ឋមន្ត្រី ក្រសួងធនធានទឹក និង ក្រសួងរ៉ែមេត្តា ចុះពិនិត្យមើល សកម្មភាពបូមខ្សាច់របស់ក្រុម ឈ្មួញទាំងនេះដែលធ្វើឱ្យប្រជា ពលរដ្ឋព្រួយបារម្ភ ៕
