ខេត្តបន្ទាយមានជ័យ ៖ កាលពីព្រឹកថ្ងៃទី១៧ ខែមេសា ឆ្នាំ២០១៩ សមត្ថកិច្ច កម្ពុជា ថៃ បានសហការគ្នាប្រើកម្លាំងមនុស្សនិងគ្រឿងចក្រស្តារ សម្អាតកំប្លោក និងវារីជាតិ ខាងក្រោមស្ពានព្រំដែនស្ទឹងបត់-ណងអៀន ដើម្បីធ្វើអនាម័យ.សម្អាតបរិស្ថាន។
សូមរំលឹកថា លោក ស៊ុន ចាន់ថុល រដ្ឋមន្ត្រីក្រសួងសាធាណការនិងដឹកជញ្ជូនកម្ពូជានិងរដ្ឋមន្ត្រីក្រសួងដឹកជញ្ជូនថៃ គឺលោកអាខុមធឺមពិតតាយាប៉ាសិទ្ធ ក្នុងពេលដឹកនាំប្រតីភូមកពិនិត្យវឌ្ឍន:ភាព និងលទ្ធផលគម្រោងសាងសង់ផ្លូវ ស្ពាននៃច្រកស្ទឹងបត់-ណងអៀននេះ បានណែនាំនិងដាក់គម្រោងការជាច្រើនដល់ស្ថាប័ននិងមន្ត្រីពាក់ព័ន្ធ ។
តាមមន្ត្រីជំនាញបញ្ជាក់ថា គម្រោងផែនការនោះរួមមាន ការស្តារសម្អាតកំប្លោកវារីជាតិនេះផងដែរ គឺសម្រាប់ពិធីបើកនិងបិទការដ្ឋានស(ចាក់បេតុងនិមិត្តរូប)តភ្ជាប់មុខតំណស្ពានស្ទឹងបត់(កម្ពុជា)-ណងអៀន(ថៃ) និងពិធីប្រគល់ទទួលក្បាលរថភ្លើង(DMU)អំណោយរដ្ឋាភិបាលថៃ និងពិធីចុះហត្ថលេខាលើកិច្ចព្រមព្រៀងប្រតិបត្តិការរួមគ្នាលើការដឹកជញ្ជូនផ្លូវដែកឆ្លងកាត់ព្រំដែន នាថ្ងៃទី២២ខែមេសាឆ្នាំ២០១៩ ខាងមុខនេះ ក្រោមអធិបតីភាពនាយករដ្ឋមន្ត្រីនៃប្រទេសទាំងពីរ៕
