ខេត្តបន្ទាយមានជ័យ ៖ ក្រុមហ៊ុនអានកូរបស់ឧកញ៉ា អាន កូ ដែលសង់ទំនប់ទឹក បណ្តាលឱ្យលិចលង់លំនៅដ្ឋាន និងដីកសិកម្មជាច្រើនហិកតាត្រូវ បានប្រជាកសិករជាង ៩០០ គ្រួសារ មកពីក្រុងប៉ោយប៉ែតនិង ស្រុកម៉ាឡៃ ខេត្តបន្ទាយមានជ័យ នាំគ្នាធ្វើបាតុកម្មតវ៉ាដោយសុំឱ្យ សមត្ថកិច្ចក្រុងប៉ោយប៉ែតជួយ អន្តរាគមន៍ ។
ហេតុការណ៍ផ្ទុះការតវ៉ា របស់ពលរដ្ឋខាងលើបានកើត ឡើងកាលពីវេលាម៉ោង ៩និង ១៥នាទី ព្រឹកថ្ងៃទី១៨ ខែវិច្ឆិកា ឆ្នាំ២០១៤ នៅក្នុងបរិវេនអាង ស្តុបទឹកក្រុមហ៊ុនអានកូស្ថិតក្នុង ភូមិសុខសាន សង្កាត់និមិត ក្រុង ប៉ោយប៉ែត ខេត្តបន្ទាយមានជ័យ ។
លោក ង៉ោ ម៉េងជ្រូន អភិ បាលក្រុងប៉ោយប៉ែតបានចេញ មុខមកនាធាថានឹងរកដំណោះ ស្រាយឱ្យភាគីទាំងពីរទទួលបាន ផលប្រយោជន៏ទាំងសង្ខាង ពោលគឺជំហានដំបូងលោក តម្រូវឱ្យក្រុមហ៊ុនបើកទ្វារទឹក ដើម្បីបញ្ចៀសការលិចលង់ផល ដំណាំរបស់កសិករជាមុនសិន ។
តំណាងឱ្យប្រជាពលរដ្ឋដែល រងគ្រោះទាំង ៩០០គ្រួសារបាន ប្រាប់ឱ្យដឹងថា មូលហេតុដែល ពលរដ្ឋមកតវ៉ាសុំអន្តរាគមន៏ពី អាជ្ញាធរឱ្យជួយដោះស្រាយជា មួយក្រុមហ៊ុនទឹកស្អាតលោក ឧកញ៉ាកុនអាននេះគឺដោយសារ ខាងក្រុមហ៊ុនសង់ទំបន់ទឹកនៅ ចំណុចអូរខៃដនបង្កឱ្យលិចលង់ លំនៅស្ថាននិងដីស្រែចំការរបស់ ពួកគាត់សរុបជាង៤ពាន់ហិចតា នៅ ប៉ែកខាងលើទំបន់ ។
សំណង់ទប់ទឹករបស់ក្រុម ហ៊ុនអានកូន គឺបានកសាងឡើង នាដើមឆ្នាំ២០០៨មកទល់និង ពេលនេះបានចំនួន០៦ឆ្នាំហើយ រីឯលំនៅស្ថានរបស់ពួកគាត់ក៏ ចាប់ផ្តើមលិចលង់តាំងតែពីសាង ទំនប់នោះតរៀងមកដែរ ។
ក្រុមហ៊ុនមានកាតព្វកិច្ចរក ចំណូលពីការលក់ដូរទឹកដើម្បី ទទួលបានប្រាក់ចំណេញ ចំណែក ពលរដ្ឋមានលំនៅស្ថាននិងដីស្រែ ចំកាជុំវិញទំបន់ទឹកក៏សង្ឃឹមថា នឹងទទួលបាននូវក្តីសុខព្រមទាំង ផលប្រយោជន៏នានាពីដីកសិកម្ម នោះ ។ ប៉ុន្តែខាងក្រុមហ៊ុនបែជា បិទទ្វារទឹកបង្កឱ្យលិចលង់ផល ដំណាំប្រជាពលរដ្ឋរៀងរាល់ឆ្នាំ មិនអាចធ្វើអ្វីបានទៀតផង បើ គណនាជាប្រាក់វិញនោះមិនតិច សែនលានដុល្លារទេ ។
ចំណែកលោក ប៉ាល់ សេដ្ឋា ចៅសង្កាត់និមិតបានឱ្យដឹងថា ទំបន់ទឹកដែលសង់នៅចំណុចអូរ ខៃដននោះ កាលពីដើមឡើយគឺ រូបលោកជាអ្នកផ្តើមគំនិតកសាង ដើម្បីស្តុបទឹកទុកឱ្យកសិករធ្វើ ស្រែចំការ ប៉ុន្តែក្រោយមកស្រាប់ តែក្រុមហ៊ុនអានកូបានដេញថ្លៃ ត្រូវរ៉ូវគ្នាជាមួយសាលាក្រុងមិន ទាំងបានប្រាប់ឱ្យលោកដឹងផង នោះទេ ។
ការទប់ទ្វារទឹកឱ្យលិចលង់ ភូមិករពលរដ្ឋអស់គ្មានសេស់ សល់អ្វីទេ លោកថា បញ្ហានេះ លោកបានសសេររបាយការណ៍ ជូនទៅសាលាក្រុងប៉ោយប៉ែត និងខេត្តបន្ទាយមានជ័យ ច្រើន រយដងមកហើយ ប៉ុន្តែចំណាត់ ការមិនដែលបានដោះស្រាយម្តង ណាឡើយ ៕
