ខេត្តព្រះសីហនុ ៖ លោកជំទាវ ពិន នង និងនាយឧត្តមសេនីយ៍ កែវ តាំ ត្រូវជាស្វាមី ព្រមទាំងក្រុមគ្រួសាររបស់លោកជំទាវ បានធ្វើពិធីបុណ្យ ភូមិ សុំសេក្ដីសុខសប្បាយ ដើម្បីរំលឹកនូវគុណវិញ្ញាណខន្ធ័ ដល់អ្នកតា ម្ចាស់ទឹក ម្ចាស់ដី ដែលជាប្រពៃណីយ៍ ពីដូនតា តមក នេះជាការធ្វើបុណ្យក្នុងភូមិជួបជុំញាតិមិត្តទាំងអស់គ្នា។
នៅក្នុងឧកាសដ៌ពិសេសនោះ លោកជំទាវ ពិន នង មានចិត្តស្រឡាញ់អាណឹតប្រជាពលរដ្ឋយ៉ាងខ្លាំង លោកជំទាវ ពិន នង បានចែកអំណោយជូនប្រជាពលរដ្ឋ នៅក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សិលា ខេត្តព្រះសីហនុ។ លោកជំទាវ បានចំណាយថវិកាផ្ទាល់ខ្លួន ចែកអំណោយជូនប្រជាពលរដ្ឋចំនួន ៤០១ គ្រួសារ រូមមាន សារុង១ អាវ១ និង ថវិកាចំនួន២០០០០រៀល ហើយមានអាហារ ពិសារបបររួមគ្នា នេះជាទឹកចិត្តសប្បុរសធម៏របស់លោកជំទាវ ពិន នង និងនាយឧត្តមសេនីយ៍ កែវ តាំ ។ នៅក្នុងការចែកអំណាយនោះក៍មាន លោកអភិបាលស្រុកកំពង់សិលា និងប្រធាន ក្រុមប្រឹក្សាស្រុក លោក ដឹក ហួរ រួមនិងមន្ត្រីរាជការជាច្រើននាក់ផងដែរ។
នៅឱកាសនោះដែរ លោកអធិការរង ទេព ណារិទ្ធ បានថ្លែងក្នុងពិធីចែកអំណោយនោះថា សូមបងប្អូន លោកតា លោក យាយ និងក្មួយប្រុស ក្មួយស្រី សូមកុំប្រើប្រាស់គ្រឿងញៀន វាអាចគ្រោះថ្នាក់ដល់ជីវិត ត្រូវតែជៀសវាងអោយផុតពី គ្រឿងញៀន។
លោកជំទាវ ពិន នង និងនាយឧត្តមសេនីយ៍ កែវ តាំ បានបន្តថា លោកជំទាវនិងខិតខំប្រឹងប្រែងដើម្បីជួយប្រជាពលរដ្ឋ នៅក្នុងភូមិនេះ ។ លោកជំទាវ ពិន នង បាននិយាយទៅកាន់ប្រជាពលរដ្ឋថា សព្វថ្ងៃនេះ មានសម្ដេចតេជោ ហ៊ុន សែន និង លោកជំទាវ គតិបណ្ឌិត ប៊ុនរ៉ានី ហ៊ុន សែន ដែលលោកទាំងពីរតែងតែយកចិត្តទុក្ដាក់ចំពោះប្រជាពលរដ្ឋរយ៉ាងខ្លាំង។
ប្រជាពលរដ្ឋបានអរគុណលោកជំទាវ ពិន នង និងនាយឧត្តមសេនីយ៍ កែវ តាំ និងក្រុមគ្រួសាររបស់លោកទាំងអស់ ដែលបានចំណាយពេលវេលា និងថវិកាផ្ទាល់ខ្លួនរបស់លោក យកមកចែកជូនពួកគាត់ ពួកគាត់នឹងដឹងគុណលោកជំទាវ ពិន នង យ៉ាងខ្លាំង។ ប្រជាពលរដ្ឋទាំងអស់គ្នា សូមគោរពជូនពរដល់លោកជំទាវ និងក្រុមគ្រួសារ អោយជួបតែសេចក្តីសុខរហូត។ ដោយ យួន ឈីវ
