ភ្នំពេញ ៖ ប្រជាពលរដ្ឋគ្រប់មជ្ឈដ្ឋាន មានក្តីរីករាយដោយសារក្រុមហ៊ុន ប្រេងឥន្ធនៈធំៗនៅកម្ពុជា បាន ប្រកាស់ទម្លាក់តម្លៃប្រេងដ៏គួរឱ្យ ភ្ញាក់ផ្អើល ទោះបីការទម្លាក់ ប្រេងមានតម្លៃតិចតួចក្តី ក៏វា អាចជួយដល់ជីវភាពប្រជាពល រដ្ឋមួយកម្រិតដែរ ហើយគេរំពឹង ថាសេវាធ្វើដំណើរនឹងត្រូវបញ្ចុះ តម្លៃទៅតាមនោះដែរ ។
ក្រសួងពាណិជ្ជកម្មនៅ រសៀលថ្ងៃទី២០ ខែវិច្ឆិកា ឆ្នាំ ២០១៤ បានប្រកាសថា ក្រុម ហ៊ុនប្រេងឥន្ធនៈធំៗ រួមមានៈ ក្រុមហ៊ុនសូគីមិច, តេលា, ភីធី ធី, ប៊ីវីអឹម, សាវីមិច, តូតាល់ របស់អាមេរិក និងតូតាល់របស់ បារាំងបានបញ្ចុះតម្លៃពីជាង ៥ ពាន់រៀល មកនៅត្រឹមជាង ៤ ពាន់រៀល ។
តាមសេចក្តីជូនដំណឹងរបស់ ក្រសួងពាណិជ្ជកម្មបានបញ្ជាក់ ថា ក្រុមហ៊ុនសូគីមិច, តេលា, ភីធីធី, ប៊ីវីអឹម និងសាវីមិច បាន បញ្ចុះតម្លៃប្រេងសាំងពី៥.០៥០ រៀល មកនៅត្រឹម ៤.៧៥០ រៀល ។ ប្រេងម៉ាសូត បញ្ចុះ តម្លៃពី ៤.៧៥០រៀល មកនៅ ៤.៥០០រៀល ។
ក្រុមហ៊ុនតូតាល់ប្រេងសាំង ធម្មតា បញ្ចុះតម្លៃពី ៥.០៥០ រៀល មកនៅ ៤.៨៥០រៀល ។ ប្រេងម៉ាសូតបញ្ចុះតម្លៃពី ៤.៧ ៥០រៀល មកនៅ ៤.៦០០ រៀល ។ ក្រុមហ៊ុនកាល់តិច ប្រេងសាំងធម្ម តា បញ្ចុះតម្លៃពី ៥.០៥០រៀល មកនៅ ៤.៨០០ រៀល ។ ប្រេងម៉ាសូតបញ្ចុះ តម្លៃពី ៤.៧៥០រៀល មកនៅ ៤.៥៥០រៀល ។
ដោយឡែក ក្រុមហ៊ុនសាវី មិច បញ្ចុះតម្លៃច្រើនជាងគេ ពោលបានបញ្ចុះតម្លៃប្រេងសាំង ពី ៥.០៥០រៀល មកនៅ ៤.៤ ៥០រៀល ។ ប្រេងម៉ាសូតបញ្ចុះ តម្លៃពី ៤.៧៥០រៀល មកនៅ ៤.៣៥០រៀល ។
ដោយឡែក ក្រុមហ៊ុនតេលា បានបញ្ចុះតម្លៃប្រេងមុនគេ នៅ ក្នុងកម្មវិធីប័ណ្ណសមាជិកតេលា ដោយចុះតម្លៃ ១០ភាគរយ លើ តម្លៃប្រេងចាស់តាំងពីដើមឆ្នាំ ២០១៤ មកម្ល៉េះ ។
ការបញ្ចុះតម្លៃប្រេងឥន្ធនៈ នេះបាននាំឱ្យប្រជាពលរដ្ឋខ្មែរ មិនថា អ្នកមានជីវភាពធូរធារ មធ្យមឬក្រីក្រនោះទេ សុទ្ធតែ បានសម្តែងការសាទរនិងសប្បាយ រីករាយដូចគ្នាហើយពួកគេក៏ចង់ ឱ្យមានការទម្លាក់តម្លៃឱ្យបានធូរ ថ្លៃជាងនេះបន្ថែមទៀត ។
ការធ្លាក់តម្លៃប្រេងសាំងវា មិនត្រឹមតែជួយកាត់បន្ថយការ ចំណាយលើ ថ្លៃសាំងនោះទេ តែវាអាចជួយឱ្យតម្លៃទំនិញលើ ផ្សារធ្លាក់ថ្លៃផងដែរ ។ ដូច្នេះ ការធ្លាក់ថ្លៃប្រេងសាំងនេះនឹង នាំឱ្យមានផលចំណេញគ្រប់ បណ្តាញទាំងអស់ដែលកំពុងរស់ នៅនិងប្រតិបត្តិការរកស៊ីនៅក្នុង ប្រទេសកម្ពុជា ៕
ដោយ ៖ ម៉ឹង វុទ្ធី
