ខេត្តកំពង់ធំ ៖ ឯកឧត្តម សុខ លូ អភិបាលខេត្តកំពង់ធំបានអំពាវនាវឲ្យបងប្អូនត្រូវជំរុញកូនចៅឲ្យខិតខំសិក្សារៀនសូត្រ ដើម្បីក្លាយមនុស្សល្អក្នុងសង្គម ក្នុងការកសាងប្រទេសជាតិឲ្យមានការអភិវឌ្ឍន៍ ។ ឯកឧត្តម សុខ លូ បានថ្លែងយ៉ាងដូច្នេះនៅក្នុងពិធីកាត់ខ្សែបូសាលាឆាន់ ព្រមទាំងសមិទ្ធផលនានានៅវត្តព្រះពុទ្ធទ្រង់បាត្រ នៅភូមិស្នោ ឃុំត្រពាំប្ញស្សី ស្រុកកំពង់ស្វាយ ខេត្តកំពង់ធំ នៅថ្ងៃ ៣ រោច ខែផល្គុន ឆ្នាំច សំរឹទ្ធិស័ក ព.ស ត្រូវនឹងថ្ងៃទី ២៣ ខែមីនា ឆ្នាំ ២០១៩ ដោយមានការអញ្ជើញចូលរួម ពីឯកឧត្តម លោកំទាវ លោក លោកស្រី មន្ត្រីរាជការ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋប្រមាណជាង ១៥០០ នាក់។
ឯកឧត្តមបានបន្តថា គ្រោះថ្នាក់ចរាចរណ៏ ៧៨% គឺមិនពាក់មួកសុវត្ថិភាព គ្រោះថ្នាក់ចរាចរណ៍ធ្វើឲ្យគ្រួសារ
ក្រីក្រនិងពិការភាពអស់មួយជីវិត ពិសេសត្រូវបើកបរដោយគោរពសិទ្ធិគ្នា អធ្យាស្រ័យ បើកបរមិនត្រូវប្រើគ្រឿងស្រវឹង
ចំពោះគោយន្តត្រូវបិទចំណាំងផ្លាតនៅពីខាងក្រោយ ។
ឯកឧត្តបានបន្តទៀតថា ចំពោះបញ្ហាសុខភាព សូមឱ្យបងប្អូនយកចិត្តទុកដាក់និងណែនាំដល់កូនចៅ បញ្ហាបរិស្ថាន ត្រូវចេះទុកដាក់សំរាមឱ្យបានសមរម្យ ។ ឯកឧត្តមបានបន្តទៀតថា ដោយការអនុវត្តគោលនយោបាយរបស់រាជរដ្ឋាភិបាលដឹកនាំដោយសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ប្រទេសជាតិមានការរីកចម្រើនលុះត្រាតែប្រទេសជាតិមានសុខសន្តិភាព កាលណាមានសន្តិភាពទើបមានការអភិវឌ្ឍន៍ ។ ប្រជាពលទាំងអស់ត្រូវចូលរួមអនុវត្តន៏ នូវគោលនយោបាយភូមិឃុំមានសុវត្ថិភាព សូមឱ្យប្រជាពលរដ្ឋទាំងអស់គោរពច្បាប់ចរាចរណ៍ជៀសអោយឆ្ងាយពីគ្រឿងញៀន និងល្បែងស៊ីសងគ្រប់ប្រភេទ ខិតខំអនុវត្តដំណាំកសិកម្ម ពិសេសនៅតាមមូលដ្ឋានរបស់បងប្អូន។ សូមឲ្យយកចិត្តទុកដាក់ទៅលើសុខភាព និងអនាម័យ ពិសេសផឹកស្អាត ហូបស្អាតនិងរស់នៅស្អាត។
ជាចុងក្រោយ ឯកឧត្តមបានផ្តាំផ្ញើគឺត្រូវយកចិត្តទុកដាក់ទៅលើព្រះពុទ្ធសាសនា ព្រោះសាសនារបស់រដ្ឋ ចេះសហការគ្មា យោគយល់ឱ្យគ្នាទៅវិញទោមកក្នុងការថែរក្សាប្រពៃណីជាតិ កុំលេងល្បែងស៊ីសងគ្រប់ប្រភេទ ទប់ស្កាត់បទល្មើសផ្សេងៗ៕ ដោយ តេច ឆេង
