ខេត្តព្រះសីហនុ ៖ ក្រុមប្រឹក្សាសារព័ត៌មានកម្ពុជានិងសមាគមអ្នកសារព័ត៌ មានខ្មែរប្រជាធិបតេយ្យបានចេញ សេចក្តីថ្លែងការណ៍ជាបន្តបន្ទាប់ ពាក់ព័ន្ធនិងការប្រើអំពើហិង្សាពី សំណាក់ជនល្មើសរកស៊ីទិញលក់ ប្រេងឥន្ធនៈគេចពន្ធមកលើរូប លោក ម៉ឹង វុទ្ធី អ្នកយកព័ត៌មាន ឱ្យសារព័ត៌មាន“សម្លេងសច្ចៈ” នៅចំណុចភូមិស្ទឹងច្រាល ឃុំអូរ បាក់រទេះ ស្រុកកំពង់សិលា ខេត្ត ព្រះសីហនុ ។
តាមសេចក្តីរាយការណ៍ បានឱ្យដឹងថា លោក ម៉ឹង វុទ្ធី រួមដំណើរជាមួយលោក កៅ វុធ អ្នកយកព័ត៌មានឱ្យសារព័ត៌ មាន“ថ្ងៃនេះ”បានឈប់រថយន្ត នៅចំណុចខាងលើហើយលោក ម៉ឹង វុទ្ធី បានដើរចូលទៅក្នុងភូមិ ដើម្បីយកព័ត៌មានផ្នែកសង្គម ស្រាប់តែមានជនមិនស្គាល់មុខ ចំនួន ៥ នាក់ ក្នុងនោះមានស្ត្រី មួយរូប បានប្រើអំពើហិង្សាវាយ ដំមកលើរូបលោកនិងយកទៅ បង្ខាំងទុកប្រមាណ ២០នាទី នៅកន្លែងរបស់ពួកគេ ទើបដោះ លែងមកវិញ ក្រោយពីមានកិច្ច អន្តរាគមន៍របស់នគរបាលស្រុក កំពង់សិលា និងលោក កៅ វុធ ។
តាមគេហទំព័រមួយក្នុង ស្រុកបានឱ្យដឹងថាមេបញ្ជាការ កងរាជអាវុធហត្ថស្រុកកំពង់ សិលាលោក សំ សាមាន បាន និយាយថា កាលពីរសៀលថ្ងៃ ១៥ ខែវិច្ឆិកា ឆ្នាំ២០១៤ មាន អ្នកកាសែត“សម្លេងសច្ចៈ”ម្នាក់ ឈ្មោះ ម៉ឹង ឫទ្ធី អាយុ ៥៥ឆ្នាំ បានដាក់ពាក្យបណ្តឹងមកកាន់ ការិយាល័យរបស់លោកដោយ អះអាងថា គាត់ត្រូវបានជន សង្ស័យចំនួន ៥នាក់ ដែលក្នុង នោះមានម្នាក់ជាស្ត្រីបាននាំគ្នា ស្ទុះមកចាប់គាត់នឹងវាយដំលើ រូបគាត់រហូតដល់សន្លប់បាត់ស្មារតី ខណៈដែលរូបគាត់និងមិត្តរួម ការងារម្នាក់ទៀត ឈ្មោះ កៅ វុធ បានឈប់រថយន្តហើយចូល ទៅថតដីឡូត៍មួយកន្លែង ដែល ដាក់ស្លាកលក់ដើម្បីយកទៅចុះ ផ្សាយពាណិជ្ជកម្មក្នុងទំព័រកាសែតរបស់គាត់ ។
មេបញ្ជាការរូបនោះបាន ស្រង់សំដីជនរងគ្រោះមកនិយាយ ថា ជនរងគ្រោះត្រូវបានគេវាយ ដោយកណ្តាប់ដៃ និងអុកនឹង ជង្គង់ ព្រមទាំងចងបណ្តើរទៅ ឃុំនៅក្នុងផ្ទះរបស់ស្ត្រីម្នាក់ដែល ជាមេគំនិតក្នុងការអុជអាលបង្ក អំពើ ហិង្សានេះអស់រយៈពេល ប្រមាណ ២០ នាទី ក្រោយមក គាត់ក៏បានដឹងខ្លួនវិញ ។
យោងតាមការអះអាងពី សាក្សីនៅកន្លែងកើតហេតុបាន និយាយថា គាត់បានឃើញអ្នក កាសែតនោះមែនប៉ុន្តែពួកគេមិន ហ៊ានប្រាប់ឈ្មោះជនដៃដល់នោះ ទេ ។ យ៉ាងណាក៏ដោយសមត្ថ- កិច្ចអះអាងថាគេបានកំណត់មុខ សញ្ញាជនសង្ស័យ ៥នាក់ និង កំពុងកសាងសំណុំរឿងបញ្ជូន ទៅថ្នាក់ខេត្តដើម្បីសុំគោលការ ណ៍ច្បាប់កោះហៅជនសង្ស័យ ទាំងនោះមកសាកសួរជុំវិញ ករណីលើនេះ” ។
លោក ម៉ឹង ឫទ្ធី ដែលបច្ចុ ប្បន្នកំពុងសម្រាកព្យាបាលនៅ មន្ទីរពេទ្យបង្អែករាជធានីភ្នំពេញ ឱ្យដឹងថា គាត់ត្រូវបានក្រុមអ្នក រកស៊ីលួចបូមប្រេងក្រុមហ៊ុនតេ- លាលក់ដោយខុសច្បាប់វាយ ដំលើរាងកាយរបស់គាត់មែន ។
លោកបន្តគាត់បានព្យាយាម ដើរចេញពីដីឡូត៍នោះដែរ នៅ ពេលដែលឃើញក្រុមជនសង្ស័យ និងរថយន្តដឹកប្រេងដែលមាន ស្លាកសញ្ញាក្រុមហ៊ុនតេលាចំនួន បីគ្រឿងព្រមទាំងធុងដាក់ប្រេង ចំណុះ ៣០លីត្រ ប្រមាណជាង ៦០ធុងនៅទីនោះ ។ ប៉ុន្តែពេល ដែលគាត់ដើរចេញមកស្ត្រីជាមេ ខ្លោងបានស្រែកឱ្យបុរសបួននាក់ ស្ទុះមកចាប់និងវាយគាត់ពីក្រោយ ខ្នងបណ្តាលឱ្យគាត់ដួលទៅលើ ដីរហូតដល់សន្លប់ ។
លោកអះអាងថាពួកគេបាន ចោទថា ខ្ញុំលួចថតរូបពួកគេ ដែលកំពុងប្រព្រឹត្តបទល្មើសលួច បូមសាំងក្រុមហ៊ុនលក់យកទៅ ចុះផ្សាយ ។
បច្ចុប្បន្នលោក ម៉ឹង វុទ្ធី ជន រងគ្រោះ និងលោក កៅ វុធ ដែលជាសាក្សីដ៏សំខាន់នៅកន្លែង កើតហេតុបានចូលខ្លួនទៅបំភ្លឺ ចំពោះមុខសមត្ថកិច្ចកងរាជអាវុធ ហត្ថស្រុកកំពង់សិលា ចំនួន ២ លើករួចមកហើយ លោក ម៉ឹង វុទ្ធី រំពឹងថា សមត្ថកិច្ច និងជួយ រកយុត្តិធម៌ជូនរូបលោកជាក់ជា ពុំខាន ។
សមាគមអ្នកសារព័ត៌មាន “ខ្មែរប្រជាធិបតេយ្យ”បានសន្និ ដ្ឋានថា សេរីភាពសារព័ត៌មាន នៅកម្ពុជា កំពុងតែប៉ះពាល់ យ៉ាងធ្ងន់ធ្ងរដោយសារមានការ សម្លាប់និងប្រើអំពើហិង្សាមក លើអ្នកសារព័ត៌មានជាបន្តបន្ទាប់ ព្រមទាំងសុំឱ្យរាជរដ្ឋាភិបាល ជួយចាត់វិធានការធានាដល់ សុវត្ថិភាពអ្នកសារព័ត៌មានផង ដែរ ៕
