រាជធានីភ្នំពេញ ៖ ក្រុមមេធាវីសម្តេចនាយករដ្ឋមន្ត្រី បានដាក់ពាក្យប្តឹងលោក សោ ចាន់ដេត អតីតសមាជិកព្រឹទ្ធសភា មកពីគណបក្ស សម រង្ស៉ី ដែលបានប្រមាថនិងញុះញង់លើសម្តេច ហ៊ុន សែន ខណដែលមន្ត្រីជំនិតរបស់លោក សម រង្ស៊ី ម្នាក់នេះ ធ្លាប់បានបង្ហោះសារតាមហ្វេសប៊ុក ដោយមានខ្លឹមសារប្រមាថអាយុជីវិតសម្តេច ហ៊ុន សែន នាពេលថ្មីៗកន្លងទៅនេះ ។
សូមជម្រាបថា នាពេលថ្មីៗនេះ សម្តេច ហ៊ុន សែន បានថ្លែងជាសាធារណថា សម្តេចនឹងឲ្យមេធាវីរបស់សម្តេចពិចារណាសិក្សាដើម្បីប្តឹងទៅតុលាការ ចំពោះជនទាំងឡាយ ដែលបានប្រមាថដល់សម្តេច នៅលើបណ្តាញសង្គម Facebook។ សម្តេចថែមទាំងបញ្ជាក់ថា សម្តេចមានសារជេរប្រមាថរបស់ជនទាំងនោះជាង៣០សារ ដែលជាភស្តុតាង ហើយសម្តេចនឹងទាមទារសំណងជំងឺចិត្តមិនតិចជាង២លានដុល្លារនោះទេ ។ ចំណែកលុយដែលទទួលបានពីបណ្តឹងនោះ នឹងយកទៅឧបត្ថម្ភដល់កុមារកំព្រា ៕
