ខេត្តកំពង់ធំ ៖ នៅព្រឹកថ្ងៃទី៦ ខែមីនា ឆ្នាំ២១០៩ មន្ត្រីជំនាញសាខាកាំកុងត្រូលខេត្ត បានសហការជាមួយនិងមន្ទីរពាណិជ្ជកម្មខេត្តកំពង់ធំ កម្លាំងសមត្ថកិច្ចមូលដ្ឋាន បន្តចុះប្រតិបត្តិការពិនិត្យឆែករកផលិតផលខូចគុណភាព និងធ្វើតេស្សលើមុខម្ហូបអាហារ ម៉ឹក បង្គៀរនិងត្រីងៀត នៅផ្សារកំពង់ធំ សង្កាត់កំពង់ធំ ក្រុងស្ទឹងសែន។
លោក លៀង សុភា ប្រធានសាខាកាំកុងត្រូលខេត្តកំពង់ធំបានដឹកនាំកម្លាំងសមត្ថកិច្ចជំនាញនិងសមត្ថកិច្ចមូលដ្ឋាន បន្តប្រតិបត្តិការចុះពិនិត្យចំណីអាហារ និងផលិតផលដែលហាមឃាត់ ព្រមទាំងបានធ្វើការណៃនាំដល់ក្រុមអាជីវករផ្សារ ខណៈដែលមន្ត្រីជំនាញបាន ធ្វើឡើងនៅព្រឹកថ្ងៃទី៦ ខែមីនា ឆ្នាំ២០១៩ នៅក្នុងបរិវេណផ្សារកំពង់ធំ ក្រុងស្ទឹងសែន ខេត្តកំពង់ធំ។
លោកបានបន្តថា នៅក្នុងប្រតិបត្តិការនេះ កម្លាំងសមត្ថកិច្ចជំនាញ បានធ្វើការអប់រំណែនាំ ដល់ក្រុមអាជីវករ លក់ឡេ និងម្ស៉ៅ ចំនួនបី កន្លែងដែលគ្មានស្លាកយីហោច្បាស់លាស់ និងបានធ្វើកិច្ចសន្យា ណែនាំ ឲ្យអាជីវករបញ្ឈប់ជាដាច់ខាត រាល់តាំងលក់ អណាធិបតេយ្យ គ្មាន ស្លាកសញ្ញាសម្គាល់ផលិតផល តូបឬឈ្មោះបើពុំដូច្នេះទេ មន្ត្រីជំនាញនិងធ្វើការដកហូត យកទៅកម្តេចចោលដោយគ្មានតវ៉ា។
លោកបន្តថា បន្ទាប់ពីមានការចុះត្រួតពិនិត្យ របស់មន្ត្រីជំនាញជាបន្តបន្ទាប់មក ឃើញថាក្រុមអាជីវករផ្សារនិងប្រជាពលរដ្ឋមានការយល់ដឹងច្រើនជាងមុន ស្ទើតែ១០០% នៅក្នុងថ្ងៃដដែលនេះ មន្ត្រីជំនាញបានធ្វើ តេស្សទៅលើមុខម្ហូប ម៉ឹកបង្គៀ និងត្រីងៀត តែពុំមានរកឃើញសារធាតុប៉ូរ៉ាក់ឡើយ និងបានចុះបិទផូស្ទ័រ បង្ហាញនូវអ្វី ដែលជាផលិតផលហាមឃាត់ មិនឲ្យតាំងលក់ តែទោះបីជាយ៉ាងណាក៏ដោយ មន្ត្រីជំនាញបានអំពាវនាវ ដល់បងប្អូនអាជីវករនិងប្រជាពលរដ្ឋ ត្រូវចូលរួមសហការ ជាមួយសមត្ថកិច្ចជំនាញ ដើម្បីឈានទៅទប់ស្កាត់ លុបបំបាត់ នូវទំនិញ ខូចគុណភាពនិងផលិតផលក្លែងក្លាយ ដែលហូរចូលពីប្រទេសជិតខាង ដែលបណ្តាអោយប៉ះពាល់ដល់សុខភាពបងប្អូនប្រជាពលរដ្ឋ ព្រោះថាសុខភាពគឺជាកក្តាចម្បងសម្រាប់មនុស្សគ្រប់រូប។ដោយតេច ឆេង
