ខេត្តបន្ទាយមានជ័យ ៖ ហេតុការណ៍បង្កភ្ញាក់ផ្អើល នៅវេលាម៉ោង ៧និង១០នាទី យប់កាលពីថ្ងៃ ១៨ ខែវិច្ឆិកា ឆ្នាំ២០១៤ ក្នុងភូមិគីឡូម៉ែត្រ លេខ ៤ សង្កាត់ផ្សារកណ្តាល ក្រុងប៉ោយប៉ែត ។ ដោយប្រទះ ឃើញសពបុរសម្នាក់ ពុំទាន់ដឹង អត្តសញ្ញាណដេកស្លាប់នៅក្នុង គុម្ភស្មៅប្រលាយទឹកនៃចម្ការ ប្រេងខ្យល់ក្រោយភោជនីដ្ឋាន នាគទិព្វ ២ ស្អុយរលួយដោយ មិនដឹងពីមូលហេតុនៅឡើយ ។
បើតាមប្រភពបានប្រាប់ឱ្យ ដឹងថា គេឃើញមានក្មេងៗ ៣ នាក់ បានរត់លេងនៅជិតចំណុច ខាងលើ មិនបានប៉ុន្មានមានក្មេង ម្នាក់បានរត់ទៅកន្លែងកើតហេតុ ឃើញសាកសពដេកស្លាប់គេក៏ ស្រែកផ្អើលមនុស្សម្នាជាច្រើន នាក់ មកចោមរោមមើលនិង បានរាយការណ៍ទៅកាន់សមត្ថ កិច្ចមូលដ្ឋានចុះមកកន្លែងកើត ហេតុតែម្តង ។ ក្រោយពីកើត ហេតុគេឃើញមានសមត្ថកិច្ច មូលដ្ឋានចុះអន្តរាគមន៍និងធ្វើ កោសល្យវិច័យលើសាកសពនេះ។
បើតាមការសន្និដ្ឋានរបស់ សមត្ថកិច្ចជំនាញបានប្រាប់ថា ជនរងគ្រោះមិនស្គាល់អត្តសញ្ញាណ នៅឡើយ មានអាយុប្រហែល ជាង ២០ឆ្នាំ មានពាក់អាវបៃ តងចាស់ដៃខ្លី ស្លៀកខោកាបូយ ជើងវែងពណ៌ខៀវនិងគ្មានទ្រព្យ សម្បត្តិអ្វីសំខាន់នៅជាប់នឹងខ្លួន ដែរ ។
ក្រោយពីសមត្ថកិច្ចជំនាញ បានធ្វើកោសល្យវិច័យរួចរាល់ និងបានសន្និដ្ឋានថាសពនេះស្លាប់ ប្រមាណជា២ថ្ងៃមុន មូលហេតុ ដោយសារតែអត់បាយនិងខ្យល់ គ និងគ្មានស្នាកស្នាមអ្វីពាក់ព័ន្ធ អំពើឃាតកម្មនោះទេ ។
បច្ចុប្បន្នសពជនរងគ្រោះ ត្រូវបានសមត្ថកិច្ចមូលដ្ឋានបាន យកទៅរក្សាទុកនៅវត្តប្រជា ធម្មត្រ័យដើម្បីរង់ចាំស្រាវជ្រាវ រកក្រុមគ្រួសារសាច់ញាតិផង ដែរ ៕
