កំពង់ធំ ៖ កម្លាំងកងរាជអាវុធហត្ថខេត្តចុះបង្ក្រាបសង្វៀនមាន់ជល់លាក់ខ្លួនក្នុងចំការកៅស៊ូមួយកន្លែង សង្ស័យពាក់ព័ន្ធនឹងនាយប៉ុស្ត៍បឹងល្វា បង្រ្កាបបានម៉ូតូចំនួន២២គ្រឿងកាលពីវេលាម៉ោង៣និង៣០នាទី ថ្ងៃទី២៥ ខែកុម្ភះ ឆ្នាំ២០១៩ ដោយមានបញ្ជារពីលោក អ៊ិត សុធា ព្រះរាជអាជ្ញាខេត្តកំពង់ធំ អោយលោក ដួង សារ៉ន ព្រះរាជអាជ្ញារង ដឹកនាំកម្លាំងចុះបង្រ្កាបដល់ទីតាំងស្ថិតនៅភូមិសាស្ត្រ ឃុំបឹងល្វា ស្រុកសន្ទុក ខេត្តកំពង់ធំ ។
ប្រភពព័ត៍មានពីសមត្ថកិច្ចបានអោយដឹងថា ទីតាំងល្បែងស៊ីសង ជល់មាន់ បៀរ អាប៉ោង ដែលបានលាក់ខ្លួន នៅក្នុងចំការកៅស៊ូ ស្ថិតនៅចំណុចខាងក្រោយប៉ុស្តនគរបាលឃុំបឹងល្វា ស្រុកសន្ទុក ខេត្តកំពង់ធំ នេះគឺជាបនល្បែងស៊ីសង ត្រូវបានមហាជនសង្ស័យថា មានការពាក់ព័ន្ឋនឹងលោក ហាក់ សារ៉ាត នាយប៉ុស្ត៍រដ្ឋបាលឃុំបឹងល្វា ។
កិច្ចសហប្រតិបត្តការ បង្រ្កាបបនល្បែងស៊ីសង ក្រោយប៉ុស្ត៍រដ្ឋបាលបឹងល្វា សមត្ថកិច្ចប៉ូលិសឃុំបឹងល្វា មិនបានដឹងថា មានបនល្បែងស៊ីសងទេ តែបែជាសមត្ថកិច្ចនៅឯខេត្តកំពង់ធំ ដឹងច្បាស់រហូតដឹកនាំដោយលោក ដួង សារ៉ន ព្រះរាជអាជ្ញារងអមសាលាដំបូងខេត្តកំពង់ធំចុះបង្រ្កាប បានម៉ូតូចំនួន២២គ្រឿ មាន់ជល់ងាប់២ក្បាល រួមទាំងបានឃាត់ខ្លួនមនុស្សចំនួន៤នាក់យកមកសួនាំនៅរាជអាវុហត្ថខេត្តកំពង់ធំ។
ចំណែកអ្នកលេងឯទៀតបានរត់បាត់អស់ នឹងសូមបញ្ជាក់ថា ទីតាំងបនល្បែងស៊ីសង បៀរ អាប៉ោង ក្រោម ឃ្លៀករបស់ លោក ហាក់ សារ៉ាត់ មេប៉ុស្ត៍បឹងល្វានេះ បានបង្រ្កាបជាលើកទី៣មកហើយ នៅកន្លែងដដែលៗ ដែល ទើបធ្វើឲ្យមានការសង្ស័យថា ការបើកបនល្បែងស៊ីសង ក្នុងចំការកៅស៊ូនេះ មានការពេញចិត្តនឹង បើកភ្លើងខៀវពីលោក មេប៉ុស្ត៍។
មហាជនជាច្រើន បានសំណូមពរដល់ លោក នេត សាវឿន អគ្គស្នងការនគរបាលជាតិ មេត្តាជួយស៊ើប អង្កេតមន្រ្តីថា្នក់ក្រោម ជាពិសេសលោក ហាក់ សារ៉ាត់ នាយប៉ុស្ត៍រដ្ឋបាល ឃុំបឹងល្វា ដែលសង្ស័យថា រួមផ្សំ គំនិត ឲ្យមានល្បែងស៊ីសង នៅក្នុងដែនសមត្ថកិច្ចរបស់ខ្លួន ដែលជាការអនុវត្តផ្ទុយ ពីបទបញ្ជាររបស់ ប្រមុខ រាជរដ្ឋាភិបាល ក៏ដូចជាការមើលស្រាល វិន័យ និងបទបញ្ជារបស់អគ្គស្នងការនគរបាលជាតិ ធ្វើឲ្យភូមិសាស្រ្តឃុំបឹងល្វា ប្រឈមនឹងបញ្ហាចោរលួច ចោរប្លន់ ប្រជាពលរដ្ឋ ភយ័ព្រួយអសុវត្តិភាព។
ទទឹងនិងនោះពលរដ្នសំដែងនៅការត្រេកអរ សាទរចំពោះចំណាត់ការនេះ ក៏ព្រោះតែគ្រួសាររបស់គាត់មិនខ្វល់ពីជីវភាពទេ បែរជាងុបងុលនិងល្បែងស៊ីសង ពាលាអាវ៉ាសែទៅវិញ ចំណែកលោក ហាក់ សារ៉ាត់ នាយប៉ុស្ត៍រដ្ឋបាល ឃុំបឹងល្វាពុំអាចសុំការបំភ្លឺបានទេ ព្រោះពុំមានលេខទូរសព្ទ័៕
